Ներդրումային սովը չի հաղթահարվի առանց լուրջ մոտեցման (Տեսանյութ)
Բավականին մեծ աղմուկ աաջացավ ԱՄՆ արդեն իսկ նախկին դեսպան Ռիչարդ Միլսի հայտարարության շուրջ՝ #Ամուլսարի հանքի շահագործման վերաբերյալ: Դեսպանը, մասնավորապես, նշել է.
«Ես մտահոգված եմ Ամուլսարի իրավիճակով: Սա եզակի ամերիկյան ներդրում է Հայաստանում, և ես այստեղ գտնվելու ընթացքում մշտապես հետևել եմ իրադարձություններին: Ներկաները բոլորը գիտեն վիճակագրությունը ՝ շուրջ կես միլիարդ դոլարի ներդրումը: Արդեն իսկ տնտեսական օգուտներ կան շրջապատող համայնքներում: Այդ հանքավայրում աշխատանքներն արդեն 4 ամիս է՝ գրեթե ամբողջովին դադարեցված են, սակայն Հայաստանի բնապահպանական օրենքների խախտում չկա: Օտարերկրյա ներդրողները կարող են հասկանալ, երբ կառավարությունը քայլեր ձեռնարկի բնապահպանական վնասի դեպքում, բայց այդ ներդրողները չեն հասկանա, թե ինչու կառավարությունը կարող է թույլ տալ, որպեսզի հանքը փակվի մի խումբ ցուցարարների կողմից, երբ որ դրա համար իրավական որոշում չկա»:
Սա շատ լուրջ ազդակ է ուղղված Հայաստանի կառավարությանն առ այն, որ եթե հարցը չկարգավորվի ըստ օրենքի պահանջների, ապա ամերիկյան ներդրումների մասին մենք գլոբալ կարող ենք մոռանալ, ինչը իր հերթին նշանակում է, որ ներդրումային սովը մենք չենք հաղթահարի մոտակա ժամանակներում:
Նիկոլ Փաշինյանի կառավարությունը պետք է լուրջ հետևություններ անի դիվանագետի հայտարարությունից և քայլեր ձեռնարկի հանքի աշխատանքները արագորեն վերականգնելու ուղղությամբ, որովհետև դրանից կախված է ոչ միայն մեկ ներդրումային պրոետ, այլ մի ամբողջ երկրի վարկանիշը միջազգային ասպարեզում և գրավչությունը ամերիկյան ներդրողների համար:
Կամ իշխանությունը լրջանու է և գործ է անում, կամ մենք բոլորս կտուժենք կառավարության ոչ լուրջ մոտեցումների պատճառով, քանզի #Լիդիանի խնդիրը արդեն դառնում է պետության խնդիրը:
Արմեն Միքայելյանի ֆեյսբուքյան էջից