«Նաիրա Զոհրաբյանի երևակայությունն է. չգնա՞նք ահազանգի հետևից». Վալերիյ Օսիպյանը քվեարկեց (Տեսանյութ)

ՀՀ ոստիկանապետ Վալերիյ Օսիպյանը քիչ առաջ մասնակցեց քվեարկության: Ի պատասխան լրագրողների հարցի` ոստիկանության պետը հայտնեց, որ մինչ այս պահը նորմալ է անցել, որևէ դեպք չի գրանցվել:

Միևնույն ժամանակ ոստիկանապետն անդրադարձավ երեկ ԲՀԿ Աջափնյակի գրասենյակում անցկացված գործողություններին: Նրա խոսքով` օրենքի սահմաններում գործողություններն ընթացքի մեջ են, ընտրակաշառքի մասին հայտարարություններն ուսումնասիրվում են:

«Նաիրա Զոհրաբյանի երևակայությունն է, որ մենք չենք տիրապետում: Ցանկացած ահազանգ ոստիկանությունը պարտադիր ուսումնասիրում է: Չգնա՞նք ահազանգի հետևից»,- նշեց ոստիկանապետը:

Հիշեցնենք, որ Երեւանի ավագանու արտահերթ ընտրությունները մեկնարկել են այսօր՝ սեպտեմբերի 23-ին, առավոտյան ժամը 08.00-ին, եւ կտեւեն մինչեւ երեկոյան 20.00-ն: Երեւանի ավագանու ընտրություններին մասնակցում է 12 քաղաքական կուսակցություն ու դաշինք:

Zham.am