Փաշինյանական քաղցր ստերի մահաբեր հետևանքների մասին Վլադիմիր Պուտինը շատ զարմացած էր, որ Փաշինյանը Լեռնային Ղարաբաղը ճանաչեց Ադրբեջանի մաս․ Լավրով Լևոն Քոչարյանի անունից կեղծ հայտարարություններ են տարածվում (տեսանյութ)
29
Փաշինյան-Ավինյան-ՔՊ-ն շարունակում է Երևանում ԾԱՌԱՄՈՐԹԸ ՀՀ-ում արգելափակվել են «Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հայաստանում ԵՄ առաքելությունը վերածվում է ՆԱՏՕ-ի առաքելության. Լավրով Օրակարգը մեկն է՝ հայկական պետականության փրկությունը. ՀՅԴ Բյուրո ՀՀ անվտանգության գլխավոր սպառնալիքը Ն. Փաշինյանն է, այլ ոչ թե Արցախի պետական ինստիտուտները․ Իշխան Սաղաթելյան «Միասին» շարժումը կոչ է անում ԱԺ ուժերին Փաշինյանին անվստահություն հայտնելու ԱԺ որոշման նախագիծ ներկայացնել Փաշինյանը պատրաստվում է Հայաստանի «հովանավոր» դարձնել Թուրքիային․ հետևանքը՝ ցեղասպանությունն է. Երվանդ Բոզոյան (տեսանյութ) Փաշինյանի համար Արցախի վտարանդի կառավարությունը անվտանգային սպառնալիք է, նա սպառնաց ԼՂՀ-ն «լուծարելու» փաստաթուղթը հայրենակիցներին փրկելու միակ միջոցն էր. Սամվել Շահրամանյան Էլ ճանապարհ սարքելն ո՞ւմ է պետք. «Փաստ» Պատերազմ Արցախում
Փաշինյանական քաղցր ստերի մահաբեր հետևանքների մասին Փաշինյան-Ավինյան-ՔՊ-ն շարունակում է Երևանում ԾԱՌԱՄՈՐԹԸ Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի Իմ պատվից և արժանապատվությունից ցածր կլինի Ալեն Սիմոնյանին դատի տալը. Աննա Մկրտչյան. Տեսանյութ Վլադիմիր Պուտինը շատ զարմացած էր, որ Փաշինյանը Լեռնային Ղարաբաղը ճանաչեց Ադրբեջանի մաս․ Լավրով Ալենը ստում է, ստում է, ստում է, ստում է․ Գագիկ Համբարյան ՀՀ-ում արգելափակվել են «Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հակաարցախյան գրոհ. ի՞նչը չի մարսել Փաշինյանը. «Հրապարակ» Փաշինյանը ոչինչ չի խնայում իր անձնական պաշտպանությունն անխոցելի դարձնելու համար. «Հրապարակ» Արցախցիների հանրահավաքը հունից հանել է Փաշինյանին Ոսկեպարցիներն անհամբեր Փաշինյանին են սպասում Հայաստանում ԵՄ առաքելությունը վերածվում է ՆԱՏՕ-ի առաքելության. Լավրով Լևոն Քոչարյանի անունից կեղծ հայտարարություններ են տարածվում (տեսանյութ) Նիկոլը Տավուշում պատերազմ է սկսում (տեսանյութ) Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Ո՞րն է, Նիկոլ, քո հայրենիք. «Կարճ ասած» (տեսանյութ) Օրակարգը մեկն է՝ հայկական պետականության փրկությունը. ՀՅԴ Բյուրո ՀՀ անվտանգության գլխավոր սպառնալիքը Ն. Փաշինյանն է, այլ ոչ թե Արցախի պետական ինստիտուտները․ Իշխան Սաղաթելյան «Նոր ուժ». Հայկ Մարությանը կուսակցություն է հիմնում «Միասին» շարժումը կոչ է անում ԱԺ ուժերին Փաշինյանին անվստահություն հայտնելու ԱԺ որոշման նախագիծ ներկայացնել Փաշինյանի կողմնակիցներից և թիմակիցներից քանիսին դեռ կարգելեն մուտք գործել Ռուսաստան (տեսանյութ) Նիկոլ Փաշինյանի քաղաքականությունը հանգեցնում է ՀՀ-ում պետականության վերացման․ ռազմական վերլուծաբան (տեսանյութ) Որոշակի իրադարձություններ և տրամադրություններ՝ Հայաստանի էլիտաների մասով, մտահոգիչ են․ ՀԱՊԿ գլխավոր քարտուղար Կորել են բնաՊԱՀՊԱՆԱԿները, համարել անվավեր Ըստ Ժաննա Անդրեասյանի՝ Կոնսերվատորիայի շուրջ ոչինչ էլ տեղի չի ունենում, «Գոյ» թատրոնի վերաբերյալ որոշումն էլ փոփոխման ենթակա չէ. տեսանյութ Հայ-վրացական սահման տանող ճանապարհի մի հատվածում երթևեկության սահմանափակումներ կան Ինչպես հետ մնացինք Վրաստանից․ Եվրո–2024–ն առանց Հայաստան Փաշինյանը պատրաստվում է Հայաստանի «հովանավոր» դարձնել Թուրքիային․ հետևանքը՝ ցեղասպանությունն է. Երվանդ Բոզոյան (տեսանյութ) Փաշինյանի համար Արցախի վտարանդի կառավարությունը անվտանգային սպառնալիք է, նա սպառնաց ԼՂՀ-ն «լուծարելու» փաստաթուղթը հայրենակիցներին փրկելու միակ միջոցն էր. Սամվել Շահրամանյան

Սպորտում լավագույնը դառնալու հնարավորություն (ֆոտոշարք)

Սպորտի մասսայականացումը և ազգաբնակչության ֆիզիկական դաստիարակությունը, առողջ ապրելակերպը, ինչպես նաև ազգային ավանդույթները հիմք են հանդիսանում սպորտային նորանոր ձեռքբերումների ու նվաճումների համար: Որքան շատ դպրոցահասակ երեխաներ ներգրավվեն սպորտաշխարհում, այնքան ավելի մեծ կլինի նրանցից լավագույններին ընտրելու հնարավորությունը. սա է փաստում նաև «Աշխատանքային ռեզերվներ» ՄՀԿ-ի 70-ամյա փորձը:

Այդ փորձը նաև հուշում է, որ սպորտի մասսայականացման համար պետք է դպրոցներում պատշաճ մակարդակով իրականացնել և լուծել ֆիզիկական դաստիարակության խնդիրները, իսկ մարզական պարբերական մրցումները դարձնել դպրոցականի առօրյան: Հենց մրցումների նախապատրաստության և մասնակցության ժամանակ են բացահայտվում սպորտի ապագա չեմպիոնները, ի հայտ են գալիս իրենց չռեալիզացված հնարավորությունները, ձգտում ինքնակատարելագործման, զգում առողջ մրցակցության ոգին: Մեր հանրապետությունում պարբերական բնույթ կրող նմանատիպ միջոցառումներ են ՀՀ անկախության տարեդարձին նվիրված դպրոցականների հանրապետական մարզական խաղերը, Ազգային ժողովի գավաթի խաղարկությունը, ըստ գործող մարզաձևերի հանրապետական բաց առաջնություններ, ՀՀ «Ֆիզիկական կուլտուրա» առարկայի օլիմպիադան: Այս և այլ միջոցառումների նախաձեռնողն ու ղեկավարը «Աշխատանքային ռեզերվներ» մարզական-հասարակական կազմակերպությունն է: Մրցումներն հիմնականում անցկացվում են խաղային մարզաձևերից` ֆուտբոլ, բասկետբոլ, վոլեյբոլ, սեղանի թենիս, բադմինթոն, ըմբշամարտ, բռնցքամարտ, հանդբոլ, նաև ատլետիկա: Սակայն այս մարզաձևերի համակողմանի զարգացման և բարձր արդյունքների համար միայն այդ մրցաշարերը դեռ բավարար չեն: «Աշխատանքային ռեզերվների» ղեկավար, ՀՀ ֆիզիկական կուլտուրայի և սպորտի վաստակավոր աշխատող, ԽՍՀՄ սպորտի վարպետ Արա Մեհրաբյանը կարծում է, որ պետք է ավելի շատ անցկացվեն ամենամյա պարբերական մրցաշարերը: Օրինակ՝ բացի ՀՀ առաջնություններից անհրաժեշտ է անցկացնել ՀՀ գավաթի առաջնություններ, ընկերական, միջազգային և այլ հանդիպումներ: Բացի այդ՝ պակասում է մասնակցությունը միջազգային մրցաշարերում. «Քանի որ Հայաստանը հաջողակ է ուժային մարզաձևերում` ըմբշամարտ, բռնցքամարտ, ծանրամարտ, բնականաբար, ապահովված է նաև նրանց միջազգային մասնակցությունը տարբեր մրցաշարերում: Իսկ խաղային մարզաձևերի դեպքում մրցաշարերը Հայաստանի առաջնությամբ ավարտվում են, հաղթող թիմերը միջազգային ասպարեզում իրենց ուժը փորձելու հնարավորություն չունեն: Անգամ եթե գնում են, վերջին տեղն են գրավում, հիասթափվում ու էլ չեն մեկնում: Բայց չէ՞ որ հաղթանակները միանգամից չեն տրվում: Պետք է աշխատել, քայլ առ քայլ առաջ գնալ, հիասթափությունը տեղ չունի սպորտում. բոլոր տեղերն էլ պատվավոր են»:

Արա Մեհրաբյանը կողմնակից է բոլոր մարզաձևերի համակողմանի զարգացմանը: Նրա ղեկավարած կազմակերպության գերնպատակը մարզական խաղերի միջոցով սպորտը մանուկների և պատանիների առօրյան դարձնելն է, սպորտի աշխարհ հնարավորինս շատ երեխաների ներգրավելը և նրանցից ապագա չեմպիոններ պատրաստելը. «Նմանատիպ մրցույթների անցկացումը, հաղթանակներն ու պարգևները ոգևորում են երեխաներին, խթան հանդիսանում, որ ավելի լավ պարապեն, վերջապես մասնագիտանան և դառնան պրոֆեսիոնալ մարզիկներ, սպորտային Հայաստանի հուսալի ռեզերվը դառնան, իրենց երկիրը պատվով ներկայացնեն միջազգային տարբեր մրցաշարերում»:

Եվ բնական է նաև այստեղից ծագող պահանջը. «Աշխատանքային ռեզերվների» մրցումներին մասնակացող երեխաները ֆիզիկական պատրաստվածությունից բացի պիտի իմանան ՀՀ օրհներգը: Հայրենասիրությունը և հայրենիքի պաշտանությունը միշտ եղել են այս կազմակերպության գլխավոր գաղափարային կետերը դեռ ստեղծման առաջին տարիներից (1943թ. Հայրենական Մեծ պատերազմի տարիներին) այն մարզական պատրաստականության հետ նաև ռազմահայրենասիրական դաստիարակության հարցեր է լուծել: «Աշխատանքային ռեզերվները» մրցաշարերում երեխաներին ներգրավելու համար համագործակցում է մարզերի ու Երևանի տարբեր մարզախմբերի, մարզիչների, մանկապատանեկան մարզադպրոցների ու հանրակրթական դպրոցների հետ: «Աշխատանքային ռեզերվներ» մարզական հասարակական կազմակերպության կազմում են գործում Օլիմպիական հերթափոխի բռնցքամարտի և ըմբշամարտի մարզադպրոցները, Գյումրու մենապայքարային մարզաձևերի մարզադպրոցը, Վանաձորի մարզական բաժանմունքները: Հայաստանի սպորտի բազմաթիվ անվանի գործիչներ են իրենց մկրտությունը ստացել «Աշխատանքային ռեզերվներում», նրա հովանու ներքո են մարզվել Եվրոպայի, աշխարհի և օլիմպիական խաղերի շատ չեմպիոններ. օլիմպիական խաղերի չեմպիոն Վլադիմիր Ենգիբարյան, աշխարհի չեմպիոն Իսրայել Հակոբկոխյան, նոր սերնդի մարզիկներից օլիմպիական, Եվրոպայի և աշխարհի չեմպիոններ և մրցանակակիրներ Դավիթ Թորոսյան, Մեխակ Ղազարյան, Արթուր Հակոբյան, Օլեգ Կլևցով, Մխիթար Մանուկյան, Ռաֆայել Մանուկյան, Դավիթ Սաֆարյան, Գառնիկ Պապիկյան և ուրիշներ: 2013 թվականին չեմպիոնների շարքերը համալրեցին պատանիներ Էդգար Խաչատրյանը, Ժորժիկ Մարությանը, Արամ Աբրահամյանը, Սարգիս Հովսեփյանը: Այս հաղթանակները պահպանելու և զարգացնելու համար սպորտի մասսայականացումը պետք է լինի պետական մշտական հոգածության առարկա: «Այնինչ այսօր հանրապետությունում չկան որակյալ մարզաբազաներ: Այսօր սպորտին լիարժեք ծառայում է միայն «Դինամո» մարզահամալիրը: Հիմնականում օգտագործում ենք հանրակրթական դպրոցների մարզաբազաները, որոնք էլ իրենց հերթին անմխիթար վիճակում են: Սպորտային առօրյան առավել անմխիթար է մարզերում, որտեղ երեխաները մարզվելու և մարզական միջոցառումներ անցկացնելու գրեթե պայմաններ չունեն: Չկան մարզադաշտեր, խաղահրապարակներ, անհրաժեշտ մարզագույք: Անգամ գնդակն է նրանց համար դեռ խնդիր: Այնինչ այսօր հայտնի են 21-րդ դարի նստակյաց կյանքի վնասները, որոնք սպառնում են նաև համակարգչի առաջ ժամերով նստող երեխաներին: Իսկ սպորտային ներգրավվածությունը առողջ հայացք է աշխարհին, լայն շփման դաշտ ու աշխարհաճանաչողություն»,- նշում է Ա. Մեհրաբյանը:

Ապագա սերնդի առողջության, բարեկեցության ու կյանքի որակի բարելավման համար պետական և հասարակական կառույցների ուշադրությունը պետք է անընդհատ սևեռել մասսայական սպորտի, մասսայական ֆիզիկական դաստիարակության խնդիրներին: Այս առումով «Աշխատանքային ռեզերվների» ղեկավարը կարևորում է ԱԺ գավաթի մրցաշարը, որին ամեն տարի մասնակցում են 1-ինից 6-րդ դասարանի աշակերտներ ՀՀ մարզերից, Երևանից և Արցախից: «Այս մրցաշարը ակամա պատգամավորների ու ղեկավարների ուշադրությունը կսևեռի ֆիզիկական դաստիարակության և սպորտի զարգացման, նաև մարզերում սպորտային կյանքը աշխուժացնելու խնդիրների վրա: ԱԺ գավաթին ներկա են լինում և պարգևներ են հանձնում ԱԺ նախագահը, կրթության և գիտության նախարարությունը, սպորտի և երիտասարդության հարցերի նախարարությունը: Սա ևս մեծ խթան է երեխաների համար, որ ավելի մեծ ոգևորությամբ պատրաստվեն մրցաշարերին»: Անհրաժեշտ է դպրոցականների կենցաղում արմատավորել ամենօրյա ֆիզիկական վարժություններով զբաղվելու պահանջարկը:

Այսօր աշխարհում արդիական են դարձել ուսումնական հաստատություններում մատաղ սերնդի ֆիզիկական դաստիարակության ուսուցման-ուսումնառության ժամանակակից մեթոդների կիրառումը: Ընդ որում, խոսքը վերաբերում է ոչ թե առարկայական գիտելիքներին, այլ որ առարկան ընկալվի որպես ծառայություն: Այդ առումով կարևոր է, որ ֆիզկուլտուրա առարկայի ուսուցումը դառնա նաև ուսուցում բնության մեջ. սարերում արշավներ, գետերում և լճերում լոգանքներ, ձմեռը՝ դահուկավազք և այլն: «Պետք է ընդօրինակել աշխարհի լավագույն փորձը»,- ասում է Ա. Մեհրաբյանը:

70 տարի շարունակ «Աշխատանքային ռեզերվներ» ՄՀԿ-ն լայնածավալ աշխատանքներ է իրականացնում դպրոցահասակ երեխաների շրջանում սպորտը մասսայականացնելու, ավելի շատ երեխաներ ներգրավելու համար: Այդ գործում արած ներդրումները փոխհատուցվել են աշխարհի և Եվրոպայի գլխավոր մրցանակներով. դրանք լրացնում են ՀՀ սպորտի պատմության հաղթական էջերը: Հերթափոխում նոր սերունդն է:

Yerevaklur.am

 

Հետևեք մեզ Telegram-ում
Հետևեք մեզ YouTube-ում
Websiite by Sargssyan
Հետևեք մեզ Facebook-ում https://www.facebook.com/ZhamLratvakan