Երևանի Հալաբյան փողոցում մի քանի ավտոմեքենա է այրվում. Թարմացված. Տեսանյութեր
Երևանի Հալաբյան փողոցում մի քանի ավտոմեքենաներ են այրվում։
Facebook սոցիալական ցանցի օգտատերը տեսանյութեր է հրապարակել։
Համացանցում որպես դեպքի վայր նշված է Դատական ակտերի հարկադիր կատարման ծառայության շենքի մոտ։ Ենթադրվում է, որ շոգի պատճառով այրվել է խոտը, այնուհետև հրդեհվել են ավտոմեքենաները։
Տեսանյութերը՝ Մկրտիչ Խաչատրյանի ֆեյսբուքյան էջից
***
Թարմացում.
Ինչպես դեպքի վայրից հայտնում է ֆոտոլրագրող Գագիկ Շամշյանը, հրդեհի վայր են ժամանել ԱԻՆ ՓԾ հրշեջ-փրկարարներ, ովքեր մարել են հրդեհը, սակայն գրեթե ամբողջովին ոչ շահագործելի է դարձել ВАЗ 21010 մակնիշի 34 PՏ 949 համարանիշի, Mercedes մակնիշի 34 CV 251 համարանիշի, ВАЗ 2121 մակնիշի 75 ՏP 007 համարանիշի և մասամբ այրվել են BMW մակնիշի 34 NT 584 համարանիշի և Toyota Corolla մակնիշի 91 XX 999 համարանիշի և Volkswagen մակնիշի 22 ԼՏ 394 համարանիշի ավտոմեքենաները:
Ըստ նախնական տեղեկությունների՝ հրդեհի հետևանքով, բարեբախտաբար, զոհեր և վիրավորներ չկան:
Կա 2 վարկած. կամ անցորդը կամ անցորդները անփույթ են գտնվել, ծխախոտ են նետել չոր խոտերի մեջ, կամ էլ միտումնավոր հրկիզել են ավտմեքենաները: Այդ 2 վարկածի ուղղությամբ հետաքննություն է կատրվում:
Ֆոտոլրագրողի տեղեկություններով՝ վնասված բոլոլ ավտոմեքենաների տերերը ԴԱՀԿ աշխատակիցներ են, քանի որ այս տարածքում, նշված ավտոկայանատեղիում կողմնակի ավտոմեքենաների մուտքը խստիվ արգելված է: