Քաղցրավենիք, ծխախոտ, անվադողեր. մի խումբ կամավորներ մեկնեցին սահմանամերձ գոտի (ֆոտոշարք, տեսանյութ)
Հունիսի 11-ին մի խումբ կամավորներ այց են կատարել սահմանամերձ գոտի՝ զինվորներին փոխանցելով իրենց կողմից հավաքված անվադողերը և զինծառայողներին քաղաքացիների կողմից փոխանցված ապրանքները՝ քաղցրավենիք, ծխախոտ և այլն:
Նախաձեռնության անդամներից Հայկ Ավագյանը «Ֆեյսբուք» սոցիալական ցանցի իր էջում տեղադրել է «Հաշվետվություն» վերնագրով գրառումը, որում ներկայացրել է իրականացված ակցիայի մանրամասները:
Ստորև ներկայացնում ենք գրառումը:
«Հաշվետվություն ։
Ժողովո՛ւրդ, տարանք այսօր անվադողերն ու հավաքվածը։ Սկզբից մտել ենք Սահմանային զորամաս 1, իջացրել ենք անվադողերը և զինվորության համար հավաքվացի մի մասը։ Անվադողերի մասով ասեմ, որ զարմացած էին մեր հավաքացի քանակով ու նշեցին, որ զորամասի պատմության մեջ այդքան շատ ոչ ոք չէր ուղարկել։
Հաջորդ կանգառը Սահմանային զորամաս 2 էր։ Մտանք զորամաս, շփվեցինք հրամանատարական կազմի և զինվորության հետ։ Թողեցինք զինվորության համար նախատեսվածի ևս մի մաս, ու շարժվեցինք դեպի դիրք, որը մեր վերջին՝ 3-րդ կանգառն էր։
Շատ լավ կահավորված էր դիրքը, ինչը հաճելիորեն զարմացրեց մեզ բոլորիս։
Հավաքվածի վերջին մասն էլ այդտեղ թողեցինք, զինվորների հետ խրամատ բարձրացանք։ Ցույց տվեցին ադրբեջանցիների կողմից իբրև գրաված հատվածը։
Ավելին ասեմ՝ մեր կողմը վերահսկում է նաև պաշտոնապես իրենց պատկանող հատվածը։ Որից հետո իջանք կացարան և դիրքապահների հետ հաց կերանք։
Շատ մեծ էմոցիաներով ենք վերադարձել և ամեն քայլափոխի թե՛ հրամանատարությունից, թե՛ զինվորության կողմից ստացել ենք շնորհակալական խոսքեր,որն էլ ուզում ենք փոխանցել Ձեզ՝ Luiza Kharatyan, Anna Vardanova, Mary Ghazaryan, Annie Khangaldyan, Arpine Ghazaryan, Sargis Hovhannisyan, Vahe Yepremyan, Ernest Mkrtchyan, Sahak Babayan, Kachatur Vardanyan, Samson Sargsyan, Andranik Azizyan, Avanesov Vahan, Lilit Ghazaryan, Anjela, Narek Movsisyan, Garnik Simonyan, Zorayr Zakaryan, Karen Hakobyan, Armen Aslikian, Suren Nazaretyan, Hrahat Tahmazyan ու էլի շատ շատեր։
Կից ներկայացնում եմ որոշ նկարներ, վիդեոներ մեր հանդիպումներից։
P.S.
Շարունակական»:
Նշենք, որ սա կամավորների այս խմբի առաջին նմանատիպ նախաձեռնությունը չէ:
Zham.am