ՀՀԿ ետ ողորմյան ՀՊՏՀ ֆինանսատնտեսական քոլեջում ՉԻ ԼԻՆԵԼՈՒ

Մայիսի 18-ին ՀՊՏՀ ֆինանսատնտեսական քոլեջի տնօրեն Սերգո Խառատյանն իր դիմումի համաձայն հրաժարվեց տնօրենի պաշտոնից (նույն ինքը նախկին ՀՊՏՀ ուսանողական խորհրդի նախագահ, սաքուլիկներ խմբի հայտնի Սերգոն, ով «ջանք ու եռանդ» չէր խնայում պարոն Տարոն Մարգարյանի գիտական աշախատանքի պաշտպանության օրը «հավուր պատշաճ» կազմակերպելու համար): Այս անգամ նա Քոլեջի տնօրենի կարգավիճակում փորձեց ֆիզիկական ուժին դիմելով «դաստիարակել» ՀՊՏՀ պրոռեկտորի վարորդին, ապա նաև իր «խրատական, հայրական» անպատվաբեր հայհոյանքներով պատասխանեց այն անվտանգության աշխատակցին, ով փորձել էր իր լիազորությունների շրջանակում միջամտել վարորդի հետ տարվող հաշվեհարդարի գործընթացին, նա ի դեպ կին է: Սակայն այս անգամ արդեն Նոր Հայաստանում սաքուլիկական հնարքները չաշխատեցին և իրավապահներն արագ արձագանքեցին տեղի ունեցածին, ինչին էլ հաջորդեց Ս. Խառատյանի ՀՊՏՀ ֆինանսատնտեսական քոլեջի տնօրենի պաշտոնից հրաժարվելու դիմումը:

Այսքանով սխրանքները չավարտվեցին, այստեղ արդեն սաքուլիկներն անցան «ինտելեկտուալ» պայքարի, քոլեջի մոտ 40 «նվիրյալ» ուսանողներ Ս. Խառատյանի կողմից նշանակված մի քանի դասատուների գլխավորությամբ սկսեցին իրականացնել. «Խառատյանի հետ ողորմյա», վերադարձի պայքարը: Կարծես, թե նույն ինքը Խառատյանը չէր ինքնակամ դիմում գրողն ու տվյալ քրեական հանցանք կատարողը: Դա չստացվեց, սկսեցին նորանշանակ տնօրենի նկատմամբ սադրանքներ իրականացնել, բայց այստեղ էլ տապալվեցին՝ իրենց մերժողներն ավելի շատացան, ու հիմա էլ ուզում են ուս. խորհրդի գլխավոր սաքուլիկ՝ ՀՊՏՀ ներկայիս պռոռեկտոր Սևակին բերել քոլեջ, որպես տնօրեն, ասեմ չի ստացվի մենք հիշողությունից լավ ենք:

Նշված ակտիվիտների խումբը, որի մեջ ի դեպ կային նաև մարդիկ, որոնք վերջերս պայքարում էին Նոր Հայաստան ունենալու համար, այսօր գուցե իրենք էլ չհասկանալով բոլոր միջոցներով պայքարում են, որ Խառատյանը (որի վրա ներկա պահին կա քրեական վարույթ), Սևակը կամ իրանց նման հհկ-ական վերադառնա քոլեջի տնօրենի պաշտոնին, այն դեպքում, երբ արդեն կա նորանշանակ տնօրեն և նրան սատարում են քոլեջի սաների և դասախոսների 70 %-ից ավելին: ՀՀկ-ի համար պայքարողները ցավոք չեն գիտակցում, որ Խառատյանի, մյուսի դեմքով Նոր Հայաստան են ուզում վերադարձնել մերժված ու անպատվաբեր ուս. խորհուրդներն ու դրանց արդյունք հանդիսացող սաքուլիկներին, իսկ նրանց համար մեր կերտած օրինապահ, արդար Հայաստանում այլևս տեղ չկա: Այսօր այդ խումբն անպատվելով մեր ժողովրդական պայքարի ողջ գաղափարը, չի գիտակցում, որ անպատվում է նաև ինքն իրեն, խաթարում է քոլեջի բնականոն ուսումնական պրոցեսը և հոգեբանական ճնշում է գործադրում մնացած 400-ից ավել ուսանողների, դասախոսների վրա, որոնք չեն կիսում իրենց կարծիքը և դիրքորոշումը:

Մենք մնացած 70 %-ով՝ քոլեջի սաները, ծնողները և ինքնասիրություն ունեցող դասախոսները նման բան թույլ չենք տալու: Պատրաստվեք, այսօր ոտքի է կանգնելու ՀԱՅԱՍՏԱՆԻ ՀՊԱՐՏ ՔԱՂԱՔԱՑԻՆ ու սատարելու է տգթ, դոցենտ, սիրված դասախոս, ընդիմադիր քաղաքական գործիչ Վահե Բուլանիկյանին: Նա մեր հետ էր, երբ մերժում էիք կեղծիքի ու թալանի երկիրը, նա մեզ կոփում էր, երբ հուսալքված հհկ-ի ճնշման տակ էինք, ուստի մենք էլ իր հետ ենք ու մեր ազնիվ ու արդար պայքարի մեթոդով պահելու ենք նրան մեր կողքին:

Առաջ ազատ, անկախ ուսանող ու մարդ հիմա քո գործելու ժամն է:

Սոնա Հովհաննիսյան