Արցախը հայկական է և Նիկոլ Փաշինյանն այն մարդը չէ, որ պետք է որոշի՝ արցախը հայկական է թե հայկական չէ. Սաղաթելյան

«Արցախը հայկական է և Նիկոլ Փաշինյանն այն մարդը չէ, որ պետք է որոշի՝ արցախը հայկական է թե հայկական չէ»,- Եռաբլուրում «Արցախի կանչը» հուշահամալիրի մոտ ասաց ՀՅԴ ԳՄ ներկայացուցիչ Իշխան Սաղաթելյանը՝ պատասխանելով արցախահայերի վերադարձի իրավունքն միջազգային օրակարգում պահելու մասին հարցին։

Նա շեշտեց, որ Արցախի վերադարձի իրավունքը քննարկման կամ սակարկման ենթակա չէ։

Ընդդիմադիր պատգամավորն ասաց, որ ՀՅԴ-ի արտասահմանյան կառույցների,  Հայ դատի գրասենյակի և այլ համաժողովների ժամանակ բարձրացնում են արցախցիների վերադարձի խնդիրը։

«Բայց հարցը շատ դժվար է միջազգային օրակարգում պահել, քանի որ դրա թիկունքում չկա պետություն և ոչ միայն չկա, այլ պետությունը դրա դեմ է աշխատում»,- ասաց Սաղաթելյանը՝ պնդելով, որ ամեն ինչ անում են հարցն օրակարգում պահելու համար, բայց մշտապես հանդիպում են Թուրքիայի և Ադրբեջանի կառավարությունների, այլև Հայաստանի կառավարության հակահայ քաղաքականությանը։

Նրա խոսքով ՝ Արցախի ժողովրդի վերադարձի իրավունքի միջազգային ընկալումը կա,բայց քանի որ դրա թիկունքում պետություն չկա, դժվար է այս պահին թույլ չտալ, որ հարցը նման ձևով փակեն և լեգիտիմացնեն Ալիևի արյունոտ ձեռքերը, Արցախում տեղի ունեցած էթնիկ զտումը և ցղասպանությունը։

Նա նշեց,որ պետությունը չի զբաղվում գերիներ հարցով և կորցրել է երկու լավ հնրարավորություն հարցի բարձրաձայնման համար,  Բաքվում COP 19-ը գագաթնաժողովը և նախորդ տարի Թրամփի հետ եռակող հանդիպումը։

Անդրադառնալով Փաշինյան-Պուտին հանդիպմանը՝ Սաղաթելյանն ասաց, որ ՀՀ վարչապետը Հայաստանը ներքաշծում է նոր ոչ պակաս մասշտաբային արկածախնդրության մեջ, որը հղի է լինելու ծանր հետևանքներվ և դրա համար վճարելու է ՀՀ-ն և Ժողովուրդը։