Փաշինյանի բռնատիրական ռեժիմը ամեն գնով պաշտպանող Ֆրանսիայի դեսպանատան հուլիսի 14-ի միջոցառմանը ներկա հյուրերի մի մասը սննդից թունավորվել է

Ինչպես հայտնի է, Ֆրանսիայի գործող ղեկավար Մակրոնը ոչ միայն Արցախը թուրքերին հանձնելու հանցակից է, այլև ամեն գնով, այդ թվում՝ Հայաստանի ներքին գործերին կոպտորեն միջամտելով, պաշտպանում է Փաշինյանի հակաժողովրդավարական, բռնատիրական ռեժիմը: Բայց դա՝ զուտ հիշեցման կարգով:
Պարզվում է, Ֆրանսիայի ազգային տոնի՝ «Բաստիլի գրավման» օրվա առթիվ կազմակերպված ընդունելության հյուրերը սննդային թունավորում են ստացել: 

Այսպես. Armat Media-ի տեղեկություններով` հուլիսի 14-ին Հայաստանում նշվող Ֆրանսիայի ազգային տոնին նվիրված տոնակատարությունից հետո հյուրերի մեծ մասն աղիքային ինֆեկցիա ախտորոշմամբ հայտնվել են հիվանդանոցում: Տոնակատարության ժամանակ հյուրասիրությունն ապահովել է «Մարիոթ» ռեստորանը:
Հիշեցնենք, որ տոնին, ի թիվս այլ պաշտոնյաների, մասնակցում էր փոխվարչապետ Մհեր Գրիգորյանը:
Ըստ որում, Ֆրանսիայի դեսպանությունը հաստատել է, որ տեղեկություններ են ստացվել հուլիսի 14-ի միջոցառմանը ներկա հյուրերի սննդային թունավորման մասին:

«Ազգային տոնի կապակցությամբ հուլիսի 14–ին Ֆրանսիայի դեսպանատանը կազմակերպված ընդունելության որոշ հյուրեր մեզ հայտնել են սննդային թունավորման ախտանիշների մասին։

Ֆրանսիայի դեսպանությունն անկեղծորեն հայցում է այդ հյուրերի ներողամտությունը պատճառված անհարմարության համար։ Ֆրանսիայի դեսպանությունը հույս է հայտնում, որ նշվախ ախտանիշների պատճառները կբացահայտվեն։ Ուստի, դիմել է ՀՀ առողջապահության նախարարություն»,– ասվում է հայտարարության մեջ։