Այսօր Հայաստանում ձևավորվել է նեnթnւրքական փшշիզմ. Արամ Աբովյան

«Արմեն Գրիգորյանը, իմ ընկերը… այն ամբողջ ոդիսականը, որ տեղի ունեցավ Արմենի հետ, մեր բոլորի աչքի առաջ էր։ Թերևս այն ժամանակ մենք արդեն խոսում էինք, որ երկրում հաստատվում է ավտորիտար կառավարման համակարգ»,-ասաց ԲՀԿ անդամ Արման Աբովյանը։ Նա մասնակցում էր հայտնի պրոդյուսեր Արմեն Գրիգորյանի՝ դատարանի դահլիճում մահանալու 4-րդ տարելիցին նվիրված քննարկմանը։

Աբովյանի խոսքով, այսօր ավտորիտարիզմի մասին փաստում է նաև այն, ինչ տեղի է ունենում ԲՀԿ առաջնորդ Գագիկ Ծառուկյանի նկատմամբ։ Ավտորիտարիզմի մասին վկայում է այն, երբ մարդիկ սահմանափակված են իրենց կարծիքն ու խոսքն ազատորեն արտահայտելու հնարավորությունից, սահմանափակվեծ են նույնսիկ սոցցանցերում լայք դնելու հնարավորությունից, դրա համար հանում են աշխատանքից, երբ խոսքի համար մարդուն տանում են բանտ։

«Նույնիսկ արդեն հայկական ավտորիտարիզմի ձևակերպում կա։ Այսօր Հայաստանում ձևավորվել է նեոթուրքական փաշիզմ։ Սա առանց կոնտեքստի, գույները խտացնելու փորձի, առանց վիրավորանքի, ես ոչ մի անգամ կարմիր գծերը չեմ անցել։ Այդ համակարգի ձևավորումը ենթադրում է միայն մի բան, դու պարտավոր ես ենթարկվել այն ընդհանուր գծին, որը մատնանաշել է իշխանությունը, իրավունք չունես այդ գծից դուրս ընկնել, քանի որ անմիջապես ենթարկվում ես հետապնդումների։ Գրիգորյան Արմենի օրինակն առավել հնչեղ էր։ Այո, նեոթուրքական փաշիզմի առաջին զոհը Արմենն էր»,-ասաց նա։

Մանրամասները՝ տեսանյութում։
Աղբյուրը`Panorama.am