Անդրանիկ Թևանյանը քաղաքական պատանդ է

Շուրջ 20 օր է, ինչ Անդրանիկ Թևանյանը Փաշինյան Նիկոլի հրապարակային հրահանգով, շինծու գործով բանտարկվել է քարոզարշավի կեսից։ Հետո էլ խոսում են մրացակցային ընտրությունների մասին։ Մինչ այս պահը իրավապահ համակարգը չի կարողանում որևէ կերպ հիմնավորել Փաշինյան Նիկոլի բերանով հնչեցրած «ահասարսուռ» մեղադրանքը։ Ոչ մի կերպ չի ստացվում գործը կարել։

Սակայն Փաշինյան Նիկոլը համառորեն չի ցանկանում ընկալել, որ տարբեր աշխարհաքաղաքական ու ներքաղաքական ուղղություններով նա ոչ միայն սպառել է, այլև մինուս անվերջության է իջեցրել իրեն վստահելու ռեսուրսը։ Իրեն չեն հավատում ու, առավել ևս, չեն վստահում աշխարհի ոչ մի անկյունում։ Անգամ «կառուցողական» Ալիևը հրաժարվում է իր հետ պայմանավորվել։

Եթե մենք խոսում ենք օրհասական վիճակի, երկիր ունենալ-չունենալու վտանգի մասին, ապա սրան-նրան սիրել-չսիրելը, վատ-լավ վերաբերվելը, անձնական նախապատվությունները դառնում են 10-րդական խնդիր։ Իշխանությունը շատ վարպետորեն խաղում է ընդդիմության ներսում առկա անձնական ու քաղաքական հակասությունների վրա, և դրան շատ կոնկրետ հակադարձում է պետք։
Դերենիկ Մալխասյանի ֆեյսբուքյան էջից