Ինքնաոչնչացման ուղի. ինչպես է Փաշինյանը Հայաստանը վերածում «Արևմտյան Ադրբեջանի»

Այժմ անցնենք փաստերին։ Նիկոլ Փաշինյանն արձագանքել է Ռուսաստանի նախագահ Վլադիմիր Պուտինի հայտարարությանն այն մասին, որ ճիշտ և ազնիվ կլիներ Հայաստանում հանրաքվե անցկացնել այսպես կոչված «եվրոպական ապագայի» հարցով։ Փաշինյանը նշել է, որ եվրոպական համակարգին Հայաստանի ինտեգրման գործընթացները, հնարավոր է, քննարկվեն ԵԱՏՄ անդամ պետությունների ղեկավարների առաջիկա գագաթնաժողովում։

Մյուս կարևոր ասպեկտը էներգետիկան է։ Այն դեպքում, երբ զարգացած Եվրոպայում գազի գինը տատանվում է հազար խորանարդ մետրի համար 400-ից 600 դոլարի սահմաններում, Հայաստանի համար այն ֆիքսված է 177 դոլարի մակարդակում։ Արդյո՞ք որևէ մեկը պատրաստ է ստանձնել քաղաքական և տնտեսական պատասխանատվություն, եթե այս գինը վերանայվի դեպի եվրոպական շուկայական չափանիշները։ Հայկական բիզնեսը նույնպես պետք է գիտակցի. մայիսի վերջից վտանգի տակ կարող է հայտնվել հիմնական արտահանման ուղղությունը՝ Եվրասիական տնտեսական միության 180 միլիոնանոց հսկայական սպառողական շուկան։

Այս մարտահրավերների համատեքստում Նիկոլ Փաշինյանը հայտարարում է, որ Հայաստանն ինքը կորոշի՝ երբ գնալ հանրաքվեի, հավելելով՝ «առանց պատրաստվելու ԵԱՏՄ-ից դուրս չենք գա»։ Փաստացի սա նշանակում է ռուսական ֆինանսավորումից շարունակաբար օգտվելու ցանկություն՝ ստանալ արտոնյալ տնտեսական պայմաններ և ռեսուրսներ, որոնց հաշվին Հայաստանը կփորձի հարմարվել եվրոպական չափանիշներին։

Փաշինյանը կարծում է, թե նման սխեման կարող է աշխատել անվերջ, սակայն Մոսկվայից հստակ ազդակ են հղում՝ նման սցենար չի լինելու։ Հենց այս համատեքստում է Վլադիմիր Պուտինը խոսում «ինտելիգենտ ամուսնալուծության» մասին։ Մոսկվան հրաժարվում է սուբսիդավորել Հայաստանի դրեյֆը դեպի Եվրոմիություն՝ մի կառույց, որը Ռուսաստանում ընկալվում է որպես թշնամական։

Ի վերջո, այս խզումից գլխավոր շահողը լինելու է թյուրքական աշխարհը՝ Ադրբեջանը և Թուրքիան։ Բաքվում հիանալի հասկանում են իրավիճակը. պատահական չէ, որ հենց Նախիջևանում հունիսի 16-18-ին նախատեսված է «Վերադարձ Արևմտյան Ադրբեջան» փառատոնը։ Այս իրադարձությունների փոխկապակցվածությունն ակնհայտ է, ինչպես և պատասխանն այն հարցին, թե ով է ամենաշատը շահում Նիկոլ Փաշինյանի կողմից այսօր վարվող քաղաքականությունից»։
Մանրամասն՝ տեսանյութում
https://www.facebook.com/reel/1547850683530106