Ինչ չեն կիսում Միկան ու Ալենը
«Իրավունք» թերթը գրում է. «Ազգային ժողովի դիմաց հավաքված անհետ կորածների ծնողներն ու հարազատներն օրեր շարունակ անցկացնում են խաղաղ բողոքի ակցիա՝ պահանջելով 44 օրյա պատերազմի հանգամանքներն ուսումնասիրող քննիչ հանձնաժողովի արդյունքների հրապարակումը: Սակայն, այն ընդհատվեց միջադեպով՝ ԱԺ նախագահ Ալեն Սիմոնյանի եւ ակցիայի մասնակիցներից մի քանիսի միջեւ: Միջադեպի մասնակիցներից էր նաեւ իր քաղակտիվությամբ եւ սոցցանցում ուղիղ եթերներներով հանդես եկող Միքայել Մարգարյանը, որը մասնագիտությամբ երաժիշտ է, «Հայ Տղեք» խմբից հայտնի Հայկոյի՝ Հայկ Մարգարյանի եղբայրն է եւ բազմազավակ հայր:
Միջադեպից հետո, ինչպես արդեն տեղեկացրել էինք, 2 անձ բերման ենթարկվեցին, որից մեկը հենց Միքայելն էր՝ առավել ճանաչված որպես Միկա: Հասկանալու համար, թե իրականում ինչ է եղել, հիշեցնենք, որ ԱԺ նախագահ Ալեն Սիմոնյանը Դեմիրճյան փողոցում հանդիպում է ակցիայի մասնակից ծնողներին, ոմանց հետ զրուցում եւ շարունակում իր թիկնազորով ճանապարհը: Երբ Միկան մոտենում է Սիմոնյանին, վերջինս չի ցանկանում անգամ լսել նրա հարցը՝ ասելով, թե նրան «լսելու չունի»: Դրանից հետո Միկան գոռալով ասում է, թե՝ «թռար, արա՛»: Վերջին խոսեքրից զայրացած Սիմոնյանը պատասխանում է. «Արան պապադ է»: Վեճը թեժանում է՝ համեմվելով փողոցային հայհոյանքներով:
Արդեն երեկոյան Ալեն Սիմոնյանը տեսանյութ է հրապարակում, որտեղ փորձում է տալ եղածին բացատրություն եւ իր խոսքում նշում, որ Միկայի եւ իր երեխաները սովորում են նույն դպրոցում: Ըստ Սիմոնյանի, Միկան կրկին փորձ է կատարել հենց դպրոցում՝ երեխայի հանդեսի ժամանակ եւս սադրել Սիմոնյանին, ինչ-որ տեսանյութ նկարելով:
«Իրավունք»-ին մոտ կանգնած աղբյուրներին համաձայն, Միքայել Մարգարյանը իրականում սադրելու մեծ վարպետ է եւ կարողանում է իր գոռոցներով անգամ ամենահավասարակշռված մարդուն հանել հունից: Կա անգամ վարկած, թե սադրանքը հատուկ հրահրվեց, որպեսզի դրանով ջրվի ծնողների տեւական ժամանակ իրականացվող ակցիաները, ինչի շարունակականությունը խուսափում է իշխանությունը:
Առավել մանրամասն թերթի այսօրվա համարում
Հետևեք մեզ Facebook-ում