Մասիսի նախկին քաղաքապետ Դավիթ Համբարձումյանի գործով դատական նիստը

Վերաքննիչ քրեական դատարանում՝  դատավորներ Հարություն Պետրոսյանի, Մակար Կիրակոսյանի, Արմեն Բեկթաշյանի նախագահությամբ մեկնարկել է Մասիսի նախկին քաղաքապետ Դավիթ Համբարձումյանի գործով  դատական նիստը։ Հանրային մեղադրողն ասաց՝ գործի նյութերին ծանոթանալ չի հասցրել, խնդրեց նիստը հետաձգել, որպեսզի ծանոթանա դրանց, հաջորդին նիստին ներկայանա պատշաճ կերպով։

Համբարձումյանի պաշտպան Տիգրան Աթանեսյանը դատարանի ուշադրությունը հրավիրեց այն փաստին, որ այս գործով հինգերորդ անգամ է հանրային մեղադրող փոխվում։ Նա խնդրեց դատական նիստը շարունակել՝ քննարկելու Դ. Համբարձումյանի նկատմամբ խափանմիան միջոցի վերաբերյալ միջնորդությունը։ Պաշտպան Գայանե Պապոյանը միացավ գործընկերոջ դիրքորոշմանը։ 

Նոր ներգրավված փաստաբանն առարկեց պաշտպաններին, միջնորդեց հետաձգել գոնե մեկ շաբաթ գործի նյութերին ծանոթանալու համար։

Դատարանը որոշեց հետաձգել դատական նիստը, այն կկայանա հունվարի 19-ին ժամը՝ 14:00-ին։

Հիշեցնենք, որ նախկին ՔՕ 258-րդ հոդվածի 4-րդ մասի հատկանիշներով մեղադրվող, Նիկոլ Փաշինյանին անվստահության հայտնելու գործընթացի շրջանակում վարչապետի թեկնածու առաջադրված Դավիթ Համբարձումյանին դատավոր Ժորա Չիչոյանըդատապարտել է  6 տարի 3 ամիս ազատազրկման։ Համբարձումյանի փաստաբանները պնդում են, որ դատավորը հենց այս պատժաչափն է ընտրել, որպեսզի Համբարձումյանի նկատմամբ համաներում չկիրառվի։ Նրանք պնդում են, որ Համբարձումյանն անմեղ է, նրա նկատմամբ իրականացվում է քաղաքական հետապնդում։
Աղբյուրը` Panorama.am