Լավագույն սցենարի դեպքում Ռոմանոս Պետրոսյանը կարող է ունենալ վկայի կարգավիճակ․ Օրբելյան

Ռոմանոս Պետրոսյանը վարույթի մասնակից չի։ Ժամանակավոր կառավարիչ են նշանակել, կարող է գնա իրականացնի ժամանակավոր կառավարչի գործառույթները։ Այս մասին հայտարարեց փաստաբան Արամ Օրբելյանը։

«Գոյություն ունի վարչական վարույթի և ցանկացած դատավարական գործընթացի իրավական շահագրգռվածություն։ Իրավական շահագրգռվածությունը այս դեպքում դա գլոբալ ՀԷՑ-ն է: ՀԷՑ-ի անունից հանդես գալու իրավունքը տրված են բաժնետերին, որովհետև այս պահին՝ հաշվի առնելով օրենսդրական կարգավորումները, որը հիմա սահմանադրական դատարանում քննարկվում է, ըստ էության առաջացել են որոշակի խնդիրներ:

Ռոմանոս Պետրոսյանը իրեն շահագրգիռ է համարում, իրեն հետաքրքիր է արդյունքը, հետաքրքիր չի արդյունքը, դրանից կախված իր կարիերան կզարգանա, դրանից կախված իր կարիերան չի զարգանա, դրա արդյունքներով ինքը կենթարկվի քրեական պատասխանատվության, քաղաքացիական պատասխանատվության, թե չի ենթարկվի քաղաքացիական, քրեական պատասխանատվության, իրեն չի դարձնում սույն վարույթի շրջանակներում շահագրգիռ անձ:

Լավագույն սցենարի դեպքում, որը կրկին բավականին պրոբլեմատիկ է, ինքը կարող է ունենա վկայի կարգավիճակ: Լավագույն սցենարի դեպքում եմ ասում, վկայի կարգավիճակ սեղանի մոտ ոչ մի վկա ոնց որ նստած չի: Հայաստանի Հանրապետության ցանկացած քաղաքացի շահագրգիռ է արդյունքներով, որպեսզի ինքը վաղը չվճարի բազմամիլիոնանոց, բազմամիլիոնանոց չէ, բազմա 100 միլիոնանոց գումար իր գրպանից քաղաքական ցանկություններ իրականացնելու համար»,- ասաց նա։

Մանրամասն՝ տեսանյութում։