Վաղարշապատի ընտրություններում ՔՊ-ի թեկնածուն խայտառակ պարտություն է կրելու. Դավիթ Կարապետյան

Վաղարշապատ համայնքի ավագանու ընտրությունները տեղի կունենան նոյեմբերի 16-ին։ Միացի´ր, որ փոխենք. «Մայր Հայաստան» կուսակցությունը Վաղարշապատի ավագանու ընտրություններին ընդառաջ շարունակում է նախընտրական քարոզարշավը։

Նշենք, որ ավագանու ընտրություններում կուսակցությունը գլխավորելու է Գրիշա Հարությունյանը։ Որքան էլ իշխանությունը փորձի կիրառել վարչական ռեսուրս, «Մայր Հայաստան» կուսակցությունը վստահ է՝ նրանք որևէ արդյունքի չեն հասնելու։

«ՔՊ կուսակցությունը Վաղարշապատում, կասեի՝ ողջ Հայաստանի տարածքում, այնքան ցածր վարկանիշ ունի, որ անգամ վարչական ռեսուրսի կիրառման պարագայում իրեն չի հաջողվելու հաղթանակ գրանցել։ Կարող են մեկ բան անել՝ գործի դնել իրավապահ համակարգը, սկսել ապօրինի ձերբակալություններ, որոնց ականատես ենք լինում վերջին շրջանում»,-իր խոսքում ընդգծեց Գրիշա Հարությունյանը։

Առաջադրված թենածուն, շատ հաիրճ ներկայացրեց «Մայր Հայաստան» կուսակցության նախընտրական ծրագիրը՝

Վերականգնել Զվարթնոց թաղամասում առկա «Սատանի անիվ» կոչվող կարուսելը և անճանաչելիորեն բարեկարգել հարակից տարածքը՝ այն բերելով միջազգային ստանդարտների և դարձնելով հաճելի զբոսավայր ինչպես տեղացիների, այնպես էլ համայնքի հյուրերի համար,

Համայնքապետարանը կիրականացնի քաղաքային կոլորիտի մաս կազմող շենքերի ֆասադաների ու կտուրների վերականգնման աշխատանքներ,

Ավելացնել բարվոք վիճակում գտնվող բազմաբնակարանային շենքերի թիվը,

Իրականացնել բակերի բարեկարգման աշխատանքներ, այդ թվում՝ ստեղծել բակային ֆուտբոլի խաղադաշտեր,

Գյուղական ճանապարհային հատվածներում ստեղծել գյուղմթերքների իրացման ժամանակակից նոր փոքր շուկաներ,

Արմատական լուծում տալ ոռոգման ջրի ապահովման համակարգին՝ նպաստելով գյուղատնտեսության զարգացմանը,

Համայնքային սեփականաություն հանդիսացող մանկապարտեզները պետք է լինեն անվճար։

-Պարոն Կարապետյան, որքանով է իրատեսական «Մայր Հայաստան»կուսակցության հաղթանակը Վաղարշապատում։ Մի քանի օր է, ինչ սկսել է քարոզարշավը, արդեն մամուլը խոսում է իշխող կուսակցության թեկնածուի խախտումների մասին, նաև խոսեք այդ մասով։

-Անկեղծ ասած, «Մայր Հայաստան» կուսակցության նոր անդամ եմ, մի քանի ամիս է ինչ անդամագրվել եմ և կուսակցական եմ, ընտրություններին մասնակցում եմ որպես Դավիթ Կարապետյան՝ Ծաղկունքի համայնքի նախկին ղեկավար, և աշխատանքիս արդյունքը այդ 21 տարիների աշխատանքն է։ Ինչ վերաբերում է իշխող թիմի քարոզարշավին, մեր թիմին բացարձակ չի հետաքրքրում իրենց անցկացրած քարոզարշավը, բոլորը տեսնում են, թե ինչ վարչական ռեսուրս են օգտագործում, կարող եմ ասել, որ ՔՊ-ի վիճակը չափազանց ծանր է, իսկ հաղթելու հնարավորությունը՝ զրոյական: Բանն այն է, որ նախ՝ Վաղարշապատ համայնքի նախորդ վարչակազմը՝ Դիանա Գասպարյանի ղեկավարությամբ, ձախողել է նույն ՔՊ-ի նախընտրական բոլոր խոստումները, դրանից բացի, վերջինս ու իր հարազատները անցնում են լրջագույն քրեական գործերով: Մյուս կողմից, մեղմ ասած, միանշանակ չէ Արգիշտի Մեխակյանի հանգամանքը. հանրության գերակշիռ մեծամասնությունը նրան չի ներում, որ լինելով Արցախն ազատագրած հերոսներից մեկի՝ Մեխակ Մեխակյանի որդին, նա միացել է Արցախն ուրացած ու հանձնած Նիկոլ Փաշինյանին: Այսինքն, ինչպես տեղացիներն են նշում, ինքն էլ ուրացել է իր հոր գործը:

-Չե՞ք կարծում, հաղթանակի հասնելուց հետո իշխանությունը նաև Ձեզ չի ներելու, կարող է կրկնվել նաև Գյումրիի վերջին դեպքերը, երբ մի քանի ամիս Գյումրու քաղաքապետը ենթարկվեց քաղաքական տերոռի և վերջում ձերբակալվեց անհիմն, մտացածին և շինծու մեղադրանքով։

-Մեզ այս պահին ոչինչ չի կանգնեցնում և մտահոգում, հետագա գործընթացները ժամանակը ցույց կտա։ Կարևորը մեզ համար այս պահին հանդիպումներ ենք ունենում բնակչության հետ, ներկայացնում մեր ծրագրերը, բավականին ակտիվ և բովանդակալից են անցնում բակային հանդիպումները, իշխող թիմի թեկնածուի պես ճոռո խոսակցություների վրա զուր ժամանակ չենք կորցնում, իրենց պես պետական ապարատին կոլապսի չենք ենթարկում և քարոզարշավ իրականացնում։ Կարող եք նկատել օրվա աշխատանքային տարբեր ժամերին ղեկավարությունը ՔՊ-ի թեկնածուի հետ շրջում են համայնքներում և խոստումներ տալիս։

-Որպես ընդիմադիր թեկնածու՝ որևէ խոչընդոտ կա՞ իշխանության թիմի թեկնածուի կողմից։

-Չեն կարող որևէ ձևով խոչընդոտել մեր հանդիպումները, ի տարբերություն Արգիշտի Մեխակյանի անցկացրած հանդիպումների, բերում են մարդկանց զոռով, աշխատանքից կտրելով, նաև սպառնալով, որ կազատեն աշխատանքից, ոնց արեցին վերջերս, որոնց համարում էին ընդդիմադիր հայացքներ ունեցողներ, մեր հանդիպումներին գալիս են վաղարշապատցիներ, ովքեր մտահոգված են իրենց քաղաքի համար։

Հավատացեք, հենց այդ հանդիպումների մասնակցիներից կեսից ավելին իրենց չի ընտրելու, սպառված կուսակցություն են։ Գնացեք մարզպետարան և կտեսնեք, թե մարզպետը աշխատանքային ժամին ինչով է զբաղված, նախընտրական քարոզարշավով և մարդկանց ստիպողաբար կամ սպառնալով բերում են, որ մասնակցեն։ Կարելի է ասել, ողջ պետական ապարատը զբաղված է Վաղարշապատի ընտրություններով, չեմ ուզում կրկնվել, բայց վաղարշապատցին ՔՊ կուսակցությանը ձայն չի տալու, դրանում կհամոզվեք հաշված օրեր հետո։ Չեն մարսում Գյումրիի ընտրությունները, այդ պարտությունը կրկնվելու է նաև Վաղարշապատում, իրենց համար կյանքի և մահու կռիվ է այս ընտրությունները։

-Քարոզարշավի շրջանակներում վերջերս ՖԲ-ի իր էջում Արմավիր մարզպետ Վահրամ Խաչատրյանը քաղաքակա՞ն, թե իրական «չափալախ» էր պատրաստվում տալ, նաև ի՞նչ էր նկատի ունեցել մարզպետը, երբ գրել էր, որ քոչարյանական ուժերը հերթական անգամ ցույց տվեցին՝ ո՛չ ասելիք ունեն, ո՛չ տեսլական, վախենում են բանավեճից։