Սերժ Թանկյանը քաղաքապետարանում տեղի ունեցած ծեծկռտուքի մասին՝ սարսափելի է
«System of a Down» խմբի մենակատարը ֆեյսբուքի իր էջում հրապարակել է Asbarez.com-ի անդրադարձը երեկ՝ փետրվարի 13-ին, քաղաքապետարանում տեղի ունեցած միջադեպի վերաբերյալ: Թանկյանը նաև գրառում է կատարել:
«Պարզապես սարսափելի է»,- գրել է նա:
Հիշեցնենք, որ փետրվարի 13-ին Երևանի ավագանու նիստի ժամանակ «Երկիր ծիրանի» ավագանու խմբակցության անդամները դիմակներ հագած ապակյա տարաներով կոյուղաջուր բերեցին և ցանկանում էին հանձնել քաղաքապետ Տարոն Մարգարյանին՝ պարզաբանելով, որ դա ուղարկել են Երևանի Նուբարաշեն համայնքի բնակիչները, ովքեր երկար ժամանակ ստիպված են շնչել կոյուղու գարշահոտությունը, քանի որ քաղաքապետարանը չի նորոգում «Նուբարաշեն» ՔԿՀ–ի վնասված կոյուղին։ Այնուհետև «Երկիր ծիրանի» ավագանու անդամների և Հանրապետական խմբակցության անդամների միջև ծեծկռտուք սկսվեց:
Zham.am