Ասադը վերջապես սկսեց աջակցել քրդերին ընդդեմ Թուրքիայի
Երկար ներկուլիսային բանակցություններից հետո, Ասադը վերջապես որոշում կայացրեց ակտիվ աջակցություն ցուցաբերել քրդերին, որոնք Աֆրինի մոտակայքում պայքարում են թուրքական զինուժի դեմ:
Մասնավորապես, Ասադի ռեժիմը միջանցքներ է տրամադրում քրդական ինքնապաշտպանական ջոկատներին օգնել պաշարված Աֆրինի քրդերին, ինչը արդեն առաջացրել է Անկարայի զայրութը: Թուրք վերլուծաբանների կարծիքով, Էրդողանը ընդհանրապես հայտնվել է փակուղու առջև: Բանն այն է, որ Էրդողանը չգիտի, թե որ՞ ուղությամբ պետք է շարժվեն թուրքական զորքերը Աֆրինից հետո: Ամերիկացիները բացահայտ են նշում, որ Մանբիջի ուղությունը թուրքերի համար փակ է:
Իսկ դեպի Հալեպ գնալու դեպքում Անկարան կբախվի Մոսկվայի հետ: Իսկ եթե, Աֆրինի գրավումն էլ չհաջողվի, ապա, ըստ թուրք վերլուծաբանների Էրդողանը լուրջ պրոբլեմների առջև կկանգնի բուն երկրի ներսում:
Հիշեցնենք, որ հունվարի 21-ին Թուրքիան երկու կողմից սկսել է տանկեր և հատուկ նշանակության ստորաբաժանումներ մտցնել Սիրիայի քրդերի վերահսկած Աֆրինի շրջան։ Առայժմ ցամաքային հիմնական ուժը կազմում են Թուրքիայի վերահսկած զինյալ խմբավորումների ուժերը։
Թուքիայի վարչապետ Բինալի Յըլդըրըմը հայտարարում է, որ գործողությունը լինելու է 4 փուլով, որի վերջնական նպատակը Աֆրինում 30 կմ խորությամբ «անվտանգության գոտու» ձևավոումն է։
Թուրքական պետական «Անադոլու» գործակալության տվյալներով՝ «Ձիթենու ճյուղ» կոչվող ռազմագործողության երկրորդ օրում՝ հունվարի 21-ին, Թուրքիայի զինուժը շարունակում է օդային հարվածներ հասցնել Աֆրինում քրդերի դիրքերին, իսկ արդեն Աֆրինի տարածք ներխուժել են «Սիրիայի ազատ բանակ» կոչվող զինյալ խմբավորման անդամները։
Ռուսներն ու ամերիկացիները դեմ չեն քրդերի ինքնավարությանը, սակայն դրան դեմ է Ասադի ռեժիմը և հատկապես Թուրքիան, հասկանալի պատճառներով: Միաժամանակ , թե Մոսկվան, և թե Վաշինգտոնը ուզում են իրենց հարաբերությունները չփչացնեն Անկարայի հետ, միաժամանակ սիրաշահելով նաև քրդերին:
Zham.am