Կեղծ դիխատոմիա

«- Եթե Նիկոլի դեմ եք, ուրեմն կողմ եք պատերազմին,

- Եթե դեմ եք Սյունիքի վերահսկողությունը հանձնել օտար երկրի, ուրեմն ստալինյան պրոպագանդայի տակ եք մնացել:

- Եթե բողոքում եք անօրինականությունների դեմ, ուրեմն դեմ եք ժողովրդի իշխանությանը:

Ինչպես է այն աշխատում․

Խոսողը, ասենք՝ վարչապետի պաշտոն զբաղեցնողը, կամ ՔՊ պատգամավորը, ձևակերպում է իր դիրքորոշումը այնպես, որ այն թվում է միակ բարոյապես ճիշտը. «ես խաղաղության կողմնակից եմ», «ես արդարության կողմնակից եմ», «ես ժողովրդի կողմնակից եմ»),

Դրանից ինքնաբերաբար բխում է, որ հակառակորդն, իբր, հակառակ դիրքորոշման կողմնակից է, այսինքն «դու պատերազմի կողմնակից ես, արդարության դեմ ես, ժողովրդի դեմ ես»:

 

Տրամաբանության տեսությունների մեջ սա անվանում են Կեղծ այլընտրանք, օրինակ՝ «ընտրությունների ժամանակ ընտրելու եք կամ խաղաղություն, կամ ոչ խաղաղություն»:

Այդ հնարքի միջոցով փորձում են հակառակորդին բարոյապես վարկաբեկել։

- Երբ Հին Հռոմում բարձրացրել էին Հուլիոս Կեսարի լիազորությունների սահմանափակման հարցը, նրա կողմնակիցները բղավում էին. «Եթե դեմ եք Կեսարին, ուրեմն դեմ եք Հռոմին»:

- Միջնադարում ինկվիզիտորները դատի ժամանակ ասում էին. «Եթե դու մեզ հետ չես, ուրեմն Աստծո դեմ ես»:

- Ջորջ Բուշ Կրտսերն ասում էր. «Եթե մեզ հետ չեք, ուրեմն ահաբեկիչների կողմն եք»: