Մերձմոսկվայում ինքնաթիռ է կործանվել, որում եղել է 71 մարդ. Տեսանյութեր. Լրացված.
Մոսկվայի «Դոմոդեդովո» օդանավակայանից մեկնած և դեպի Օրսկ քաղաք ուղևորվող «Ան-148» ինքնաթիռը վթարի է ենթարկվել Մոսկվայի մարզի Ռամենսկի շրջանում:
Ինչպես հաղորդում են ТАСС-ի և Интерфакс-ի աղբյուրները, ինքնաթիռն անհետացել է ռադարներից: «Ան-148» ինքնաթիռում գտնվում է 65 ուղևոր ու անձնակազմի 6 անդամ:
Նախնական տվյալների համաձայն՝ ինքնաթիռը վայր է ընկել Արգունովո գյուղի մոտակայքում:
«Անձնակազմի անդամները և ուղևորները փրկվելու հնարավորություն չեն ունեցել», - Интерфакс-ին ասել է տեղի արտակարգ իրավիճակների ծառայության աղբյուրը:
Համացանցում հրապարակվել է առաջին տեսանյութը դեպքի ինքնաթիվի կործանման վայրից: Ինքնաթիռի բեկորներն ընկած են բաց դաշտում, դրանք արդեն սկսել են ծածկվել ձյունով: Հրդեհի հետքեր չկան:
Կտրվի լրացուցիչ տեղեկություն:
Լրացված.
Life.ru-ն հրապարակել է կործանված ինքնաթիռի անձնակազմի անդամների ցուցակը, նրանցից մեկն ազգությամբ հայ է:
Վալերի Գոուբանով՝ անձնակազմի հրամանատար
Սերգեյ Գամբորյան՝ երկրորդ օդաչու
Անաստասիա Սլավինսկայա՝ բորտուղեկցորդուհի
Վիկտորիա Կոբոլ՝ ուղեկցորդուհի
Օլեգ Սերգեև՝ տեխնիկ
Անդրեյ Ռյաբինին՝ տեխնիկ
Կրեմլի հաղորդմամբ՝ ՌԴ նախագահ Վլադիմիր Պուտինը ցավակցություն է հայտնել մահացածների բարեկամներին ու հարազատներին և հրահանգել հատուկ հանձնաժողով ստեղծել ավիավթարի պատճառները քննելու համար:
Լրացված.
ՌԴ ԱԻՆ-ը հրապարակել է Մորձմոսկվայում կործանված ԱՆ-148 ինքնաթիռի ուղևորների ցանկը, որոնց թվում հայկական ազգանունով ուղևորուհի կա՝ Սևոյան Վարսիկ: