Մեկնարկում է Փարիզի ահաբեկչությունների հիմնական կասկածյալի դատավարությունը
Այսօր Բելգիայում մեկնարկում է Փարիզում 2015 թվականին տեղի ունեցած ահաբեկչությունների գլխավոր կասկածյալի դատավարությունը: Սալահ Աբդեսլամը ձերբակալությունից հետո առաջին անգամ է հանրությանը ներկայանալու: Ֆրանսիական և բելգիական ոստիկանությունը նրան որոնել է շուրջ 4 ամիս:
Փարիզում 2015 թվականի նոյեմբերի 13-ին «Բատակլան» համերգասրահում, ազգային մարզադադաշտում և ռեստորանում տեղի ունեցած ահաբեկչությունների պատասխանատվությունը ստանձնել է «Իսլամական պետություն» խմբավորումը: 2016 թվականի մարտին նույն այդ խմբավորումը պատասխանատվություն է ստանձնել նաև Բրյուսելի ահաբեկչության համար, որի հետևանքով 32 մարդ էր զոհվել:
28-ամյա Սալահ Աբդեսլամը մինչ օրս պահվում էր Փարիզի ոստիկանական մեկուսարանում: Կարգադրիչները մշտապես հետևել են նրան, որպեսզի թույլ չտան վերջինիս ինքնասպանություն գործել: Դատական լսումներին մասնակցելու համար Աբդեսլամը տեղափոխվել է Ֆրանսիայի հյուսիսային սահմաններին գտնվող խիստ վերահսկվող մի բանտ:
/Սալահ Աբդեսլամի այս լուսանկարը տարածվել էր բելգիական ոստիկանության կողմից, արխիվ/
Աղբյուրը՝ Azatutyun.am