«Աստվածապաշտությունը հաղթելու է անձնապաշտությանը» գրառմամբ պաստառ փակցրած երիտասարդները բերման ենթարկվեցին ոստիկանություն, «Պուտին մարդասպան» պաստառ փակցրած Արման Բաբաջանյանը գնաց իրենց տուն

«Այսօր Սրբազան պայքարի երիտասարդները «Աստվածապաշտությունը հաղթելու է անձնապաշտությանը» գրառմամբ պաստառ փակցնելու համար բերման ենթարկվեցին ոստիկանություն։

Ժամեր անց պաստառ փակցրեց նաև Արման Բաբաջանյանը՝ «Պուտին մարդասպան» գրառմամբ ու անարգել գնաց … երևի տուն»,- նշված է Սրբազան պայքարի տելեգրամյան հարթակում։

«Փաստորեն, Հայաստանում «ժողովրդավարությունն» ու «խոսքի ազատությունը» գործում է միայն իշխանության ու իշխանամերձ ուժերի դեպքում, մնացած բոլոր պարագաներում այն «վարչական իրավախախտում» է։

Երկակի ստանդարտները, կեղծավորությունը, մարդատյացությունն ու վախկոտությունն են այս իշխանությունների «արժեքները», ինչպես նաև քաղաքական տգիտությունը, քանի որ եթե «Սրբազան Պայքարի» երիտասարդների պաստառը միտված էր ի շահ մեր հայրենիքի, ապա Արման Բաբաջանյանի պաստառը դեռ հերթական շատ աղետների պատճառ կարող է դառնալ»,- ընդգծված է գրառման մեջ։