Ցուցարարների դեմ կիրառված` արգելված «Զшրյա 3»-ի գործով հետապնդվող ոստիկան չկա, իսկ 17 ցուցարարի մասով գործն ուղարկվել է դատարան. ՔԿ

«Զարյա 3»-ի գործը դեռևս շարունակում է մնալ նախաքննության փուլում: Tert.am-ի հարցին ի պատասխան, թե ինչ փուլում է գործն այս պահին, ՔԿ մամուլի խոսնակ Կիմա Ավդալյանը տեղեկացրեց, որ գործը նախաքննության փուլում է: Հարցին՝ որևէ ոստիկանի նկատմամբ վարույթ նախաձեռնվե՞լ է, Ավդալյանը պատասխանեց, որ կարգավիճակով անձինք չկան: Ինչ վերաբերում է 17 ցուցարարին, որոնց նկատմամբ քրեական հետապնդում էր հարուցվել, Ավդալյանն ասաց, որ այս մասով գործն ուղարկվել է դատարան:

Հիշեցնենք, որ դեռևս 2024 թվականի հունիսի 12-ին Բաղրամյան-Դեմիրճյան խաչմերուկում տեղի ունեցած բողոքի ակցիաների ժամանակ հատուկ միջոց՝ լուսաձայնային նռնակներ կիրառվեցին ցուցարարների դեմ: Մինչ օրս դեռևս պատշաճ տեղեկություն չի հաղորդվում, թե հատկապես ի՞նչ տեսակի նռնակներ են կիրառվել: Մամուլը բազմիցս գրել է, որ կիրառվել է արգելված «Զարյա 3» տեսակի հատուկ միջոց, ուժային կառույցները չեն հերքել այս հրապարակումները: