Հայաստանը՝ սեղանի վրա, Նիկոլ Փաշինյանը՝ սեղանի տակ. Անդրանիկ Թևանյան

«Մայր Հայաստան» շարժման առաջնորդ Անդրանիկ Թևանյանը գրում է. «Հայ-ադրբեջանական բանակցային գործընթացում Հայաստանը, Նիկոլ Փաշինյանի պատճառով, հայտնվել է սեղանի վրա: Մեր երկիրը քննարկման օբյեկտ է դարձել: Փաշինյանը, պատկերավոր ասած, մտել է բանակցային սեղանի տակ ու պատրաստ է տակից ստորագրել սեղանի վրա դրված ամեն մի թղթի տակ: Բնականաբար՝ Հայաստանի հաշվին:

Փաշինյանը ցույց է տալիս, թե, իբր, հայ-ադրբեջանական հարաբերություններում միջնորդ չկա և ինքն ուղիղ է բանակցում, սակայն իրականում միջնորդ կա: Դա Թուրքիան է, որին Փաշինյանը խնդրում է համոզել Ալիևին, որպեսզի նա թղթի կտորը ստորագրի՝ Էրդողանին խոստանալով, որ իշխանական աթոռը պահելուց հետո ինքը կբավարարի թուրք-ադրբեջանական բոլոր պահանջները:

- ՀՀ սահմանադրության փոփոխություն, ՀՀ անկախության հռչակագրից հրաժարում,

- ԵԱՀԿ Մինսկի խմբի լուծարում,

- Զանգեզուրի միջանցք,

- Ադրբեջանի դեմ Հայաստանի հայցերից հրաժարում,

- Ադրբեջանցի «փախստականների» վերադարձ Հայաստան,

- Հայաստանի լիակատար զինաթափում,

- Մեծամորի ատոմակայանի փակում,

- Հայաստանի հանքավայրերի փակում,

- Գյումրիում տեղակայված ռուսական 102-րդ ռազմաբազայի հեռացում,

- Ռազմատուգանք:

«Քաղաքացիական պայմանագրին» Գյումրիում իշխանազրկելը հիմքեր կդնի ամբողջական իշխանափոխության համար: Գյումրեցիների ձեռքում է հայտնվել Հայաստանի ճակատագիրը որոշելու բանալին: Պահը պատմական է և պատասխանատու»: