«Անմարդկային պայմաններ՝ Վանաձորի նախկին հանրակացարանում». Գառնիկ Դանիելյան
ԱԺ ընդդիմադիր պատգամավոր Գառնիկ Դանիելյանի ֆեյսբուքյան գրառումը.
«Ինձ են դիմել Վանաձոր քաղաքի Երևանյան խճուղի 90 շենքի բնակիչները՝ ահազանգելով, որ նախկին հանրակացարանը, որտեղ իրենք բնակվում են, ամեն պահի կարող է փլուզվել։ Վթարային շենքում անմարդկային պայմաններ են․ պատերն իրարից հեռացել են, հատակը ճաքել է։ Այդուհանդերձ, բնակիչները պատրաստ են շարունակել բնակվել շենքում, միայն թե՝ միջոցներ հատկացվեն շենքը վերականգնելու համար։
Բնակիչները հայտնում են, որ թեև մարզպետարանից ու քաղաքապետարանից ստացել են որոշակի աջակցություն, այդուհանդերձ, շենքն ունի հրատապ վերականգնման անհրաժեշտություն․ յուրաքանչյուր ցնցում կարող է ճակատագրական լինել բնակիչների համար։ Մինչդեռ, համայնքապետարանը մերժում է՝ պատճառաբանելով, որ չկան ֆինանսներ, իսկ կառավարությունը որևէ ձևով չի արձագանքում։ Հարկ է նշել, որ բնակիչները նախկին հանրակացարանի շենքում հայտնվել են Սպիտակի ավերիչ երկրաշարժիչ հետո։ Շենքում այս պահին ապրում է 20 ընտանիք և բազմաթիվ երեխաներ։
Պատկան մարմիններին կոչ եմ անում օր առաջ ձեռնարկել քայլեր։ Գործ ունենք մարդկային կյանքերի հետ։ Եթե չկա շենքը վերականգնելու հնարավորություն, հատկացրե՛ք քաղաքացիներին տարրական պայմաններով ապահոված որևէ այլ շինություն»:
Հետևեք մեզ Facebook-ում