100 խոստում Փաշինյանից, որի կատարմանը սպասում է ժողովուրդը

Նիկոլ Փաշինյանի կառավարությունը հայտարարել է եվրոպական օրակարգի մասին։
Հունվարի 14-ին էլ Հայաստանի ԱԳՆ-ն հայտարարեց Հայաստանի Հանրապետության և Ամերիկայի Միացյալ Նահանգների միջև Ռազմավարական գործընկերության կանոնադրության ստորագրման մասին։
Նիկոլ Փաշինյանը հանդես եկավ ֆեյսբուքյան գրառմամբ՝ նշելով, թե բալանսավորված և բալանսավորման արտաքին քաղաքականություն է վարում։
Փաստացի՝ 2021 թվականից ի վեր Նիկոլ Փաշինյանի գլխավոր խոստումների թվում են՝
- Խաղաղության պայմանագիր և խաղաղության դարաշրջան
- Խաղաղության խաչմերուկ
- Հայաստանը դեպի Եվրամիություն
- ԱՄՆ-ի հետ ռազմավարական գործընկերություն
Նշենք, սակայն, որ Նիոլ Փաշինյանը 2018-19թթ․ տվել է հարյուրավոր խոստումներ, որոնք չի կատարել։ Այդ խոստումների մի մասին Yerevan.Today-ն անդրադարձել է «Տեղեկանք Նիկոլ Փաշինյանին ընտրածների համար» շարքում։
Այժմ կարճ կետերով ներկայացնում ենք Փաշինյանի հարյուրավոր խոստումներից 100-ը՝ ընթերցողին առաջարկելով խորհել՝ եթե նա չի կատարել իր տված` շատ դեպքերում պարզ, հասարակ խստումները, ԵՄ մտնելու, ԱՄՆ հետ ռազմավարական համագործակցության, խաղաղության պայմանագիր կնքելու խոստումները կկատարի՞։
- Բուհերը պետք է ապաքաղաքականացվեն
- Հեղափոխական տեմպերով պետք է զարգացնել գյուղատնտեսությունը:
- Կադրային հեղափոխություն ենք անելու
- Վերին Լարսին այլընտրանք կստեղծենք
- Շաքարավազի մենաշնորհը կվերացնենք
- Հայաստանի ռազմական բյուջեն առաջիկա 5 տարում ևս 2.5 մլրդ դոլար կավելանա
- Տնտեսական աճը կհասցնենք քաղաքացիներին
- Պետական բյուջեի ամեն լուման կծախսենք շատ աչալուրջ և ըստ նպատակի
- Հայ-ռուսական հարաբերությունները գնալով էլ ավելի են լավանալու
- Ընդունելի աշխատավարձը պետք է սկսի 500 հազար դրամից
- Երկրի 10-20 խոշոր ձեռնարկությունները պետք է լինեն տեխնոլոգիականները
- Հայկական ավիացիան կհամապատասխանեցնենք միջազգային լավագույն չափանիշներին
- Խմելու ջուրը չի թանկանա
- Պետք է հրաժարվենք արտաքին պարտք վերցնելուց
- Քաղաքացիներին տուգանելու, պատժելու այս խելագար մոլուցքին վերջ կդնենք
- Հայաստանում նոր ատոմակայան կկառուցվի
- Հայաստանում առաջիկա 5 տարին գնաճ չի լինելու
- Ոչ ոք չի փորձի ուսուցիչներին, դպրոցի տնօրեններին ներքաշել ընտրական պրոցեսների մեջ
- Պետք է ոռոգման ջուրը հասանելի լինի հոսանքի նման
- Արցախը Հայաստան է և վերջ
- Օրենքի առաջ բոլորը հավասար կլինեն
- Յուրաքանչյուր հայ պետք է տուն ունենա Հայաստանում
- Յուրաքանչյուր հայ պետք է ունենա ՀՀ քաղաքացիություն
- Ոստիկանությունը քաղաքացիներին ջարդուփշուր չի անի
- Պետք է գյուղմթերքի գները նվազեն
- Մեր երկրում այլևս քաղբանտարկյալներ չեն լինելու
- Կադրային ջարդ չի լինելու
- Գործարարը քաղաքականությամբ չպետք է զբաղվի
- Մարտի 1-ի գործն ամբողջ ծավալով բացահայտված է
- Հայաստանում ավտոմեքենայի արտադրության գործարան կբացվի
- Հայաստանում զրոյից նոր գյուղ կկառուցվի
- ԵՊՀ-ն առաջիկա 10 տարում կլինի աշխարհի լավագույն 500 բուհերի շարքում
- Արցախի փաստացի ինքնորոշումը միջազգային դե յուրե կճանաչվի
- Հայաստանից գնացածներին կվերադարձնենք
- Ղարաբաղի հարցի լուծող-չլուծողը կառավարությունը չէ
- Որևէ մեկը չմտածի, թե ես ձեզնից թաքուն որևէ թուղթ կստորագրեմ
- Պետական կառավարման հմակարգում ԽԾԲ չի լինի
- Մենք երբեք չենք ասել և չենք ասելու, որ Հայաստանը պետք է դուրս գա ՀԱՊԿ-ից
- Ցանկացած քաղաքացի կունենա հիվանդանոցային բուժման հնարավորություն
- Մարդկանց չենք խաբի
- Կենսաթոշակային համակարգի պարտադիր բաղադրիչը պետք է վերանա
- Յուրաքանչյուր ներդրող Հայաստան մտնելուն պես պետք է պաշտպանված զգա իրեն
- Գազի սակագինը պետք է իջնի
- Զինվորի զոհվելու մասին լուրը չի դառնա զուտ լրահոսի վերնագիր, կարվեն լուրջ հետևություններ, դեպքերը կբացառվեն
- ԱԺ-ի և նախագահական նստավայրի դռները բաց են հանրության առաջ
- Պետք է դադարեցնենք Սևանին որպես ջրի տարա վերաբերվել
- Արագաչափերը միանշանակ պետք է հանվեն Հայաստանի ավտոճանապարհներից
- Շահումով խաղերի գործունեությունը կսահմանափակվի
- Հայաստանում պետք է ձևավորվի ունիվերսալ հակակոռուպցիոն մարմին, որի ղեկավարի պաշտոնի առաջադրում կարող է անել միայն ընդդիմությունը
- Հայաստանում կբացվի գործարան, որը հայկական տեխնիկա կարտադրի
- Պետական գնումների համակարգը կբարեփոխվի, զերծ կլինի կոռուպցիոն սխեմաներից
- Մասնավոր տաքսիները կաշխատեն առանց լիցենզիայի
- ՀՀ վարչապետի ավտոշարասյունը կանգ է առնում լուսացույցի արգելող նշանի տակ
- 2020թ․ հոկտեմբերի 10-ին 10 մլն ծառ կտնկենք
- Պոլիէթիլենային պարկերի ու տոպրակների վաճառքն ու իրացումը կարգելվի
- Ջանքեր կգործադրենք Հայոց ցեղասպանության միջազգային ճանաչման ուղղությամբ
- Հայաստանում օլիգարխներ չկան
- Կվերանայենք ոչ կադրային դեսպանների և գլխավոր հյուպատոսների նշանակման ավանդույթը
- Ընտրացուցակներում մահացած անձանց անուններ չեն լինելու
- Ամեն ինչ անելու ենք, որ ամեն մի իշխանություն չգա ու իր բաջանաղին չմտցնի պետական կառավարման համակարգ
- Կոտայքում ադամանդագործության ոորտում 2 հազար աշխատատեղով գործարան կկառուցվի
- ՀՀ ժողովուրդը հստակ կիմանա՝ ինչ ունեցվածքի է տիրապետում յուրաքանչյուր բարձրաստիճան պաշտոնյա
- Տնտեսական աճի մոդելը կփոխվի
- Աննախադեպ մեծության գործարան կկառուցվի, որը 2019-ից փոխելու է մեր երկրի տնտեսության ամբողջ տրամաբանությունը
- Արթիկում վերելակների գործարան կստեղծվի
- ԱԱԾ-ն պետք է դառնա նախարարություն
- Երկրում չկա տնտեսական մենաշնորհ
- Անվտանգության նոր երաշխիքներ կստեղծենք ՀՀ-ում
- Առանձնահատուկ քննության կենթարկենք բարձրաստիճան պաշտոնյաների որդիների, այդ թվում՝ նախարարների, ԱԺ պատգամավորների որդիների բանակում ծառայած լինել-չլինելու հանգամանքը
- Որևէ կերպ չենք հանդուրժի թեկուզ մի լումայի ոչ ճիշտ օգտագործումը
- «Հայէլեկտրո» գործարանի տարածքում մեքենաշինական ոլորտի գործարան կստեղծվի
- Թույլ չենք տա, որ դատավորների պաշտոնը ժառանգաբար անցնի հորից որդուն
- Բաղրամյան 26-ից և ընդհանրապես որևէ կառավարական և իշխանական կաբինետից, որևէ տեղից դատարանների վրա ապօրինի ներգործություն չպետք է լինի
- Թույլ չենք տալու, որ մեր բանակում անհանդուրժողական, անառողջ մթնոլորտ տիրի
- Հայաստանում կոռուպցիան իսպառ վերացել է
- Հայաստանը պետք է ջնջի իր երեսին դաջված ամենաամոթալի խարանը՝ շուրջ 30 տոկոսանոց աղքատությունը,
- Բացառվում է, որ Ղարաբաղի հարցը լուծվի Ղարաբաղի և Հայաստանի ժողովուրդի և պետականությունների շահերին ի հակառակ կամ չհամապատասխանող ձևով։ Դա ուղղակի բացառված է։ Չի կարող այդպիսի բան լինել
- Պետք է բացառվի բանակում ծառայող որևէ զինվորի կարիքի բավարարումը նրան բանակ ուղարկած ծնողի վրա դնելը
- Ղարաբաղյան հակամարտությունը չունի ռազմական լուծում
- Միլիոնավոր հայեր ներգաղթելու են Հայաստան
- Ընտրություններում մեր հաղթանակի վերահաստատումից հետո գերիների վերադարձման գործընթացը կակտիվանա
- Առողջապահությունում պետական պատվերի համակարգը սպառել է իրեն, պետք է փոխենք
- Այսօր հանրապետությունում ոչ մի դպրոց չի փակվում, այսօր դպրոց է կառուցվում
- Դիտորդի նման չենք հետևելու բանակում տեղի ունեցող ինքնասպանություններին ու ինքնասպանությունների փորձերին, ոչ կանոնադրական հարաբերություններին
- Սփյուռքի հազարավոր գործարարներ շունչները պահած սպասում են, միլիարդների ներդրումներ են հոսելու դեպի Հայաստան
- Ոստիկանությունը պետք է փոխվի
- Հայաստանում որևէ մեկի մտքով չի անցնի փայ մտնել, նալոգներ դնել, կաշառք վերցնել, պրոբլեմներ ստեղծել
- Առաջիկայում Սևանում շաքարի գործարան է բացվելու
- Միանշանակ և աներկբա պետք է զրոյացնել բոլոր ժամկետանց տուգանքները բոլոր սպառողական և գյուղատնտեսական վարկերի: Առանց բացառության՝ բոլոր
- Արցախը պետք է ներգրավվի բանակցություններում ՝ որպես հակամարտության հիմնական կողմ
- Դատական պատասխանատվության ենթարկված անձանց թիվը նվազում է
- Ուսուցիչներին ու դաստիարակներին վճարվող ծիծաղելի աշխատավարձերը ընդհուպ կեռապատկենք
- Կաթի մթերման գինը կբարձրանա
- Մեծ հայրենադարձություն կլինի
- Հեղափոխական տեմպերով կզարգացնենք գյուղատնտեսությունը
- Առաջիկա 5 տարում երեխաների առնվազն 70 տոկոսը կապահովվի նախակրթարանով
- Հայաստանում չի կարող լինել էդպիսի իշխանություն, նույնիսկ ամենաբռնապետական իշխանությունը չի կարող Ղարաբաղի հարցը լուծել առանց ժողովրդի կարծիքը հաշվի առնելու
- Մեր երկրում բռնությունը որպես գործիք պետք է բացառվի
- Իշխանությունը պատկանում է ժողովրդին
- Եվրամիությունը Հայաստանին 2,6 մլրդ եվրո ֆինանսական փաթեթ կտրամադրի: