Փաշինյանը իրեն ծառայող «Հանրապետության» միջոցով տապալում է ուղեվարձի չթանկացման արտահերթ նիստը, մարդկանց մնում է ելնել փողոցներ

Նիկոլ Փաշինյանի իշխանությանն սպասարկող «Հանրապետություն» կոչվող խմբակցությունը տարածել է հայտարարություն, որի իմաստն այն է, որ իրենք չեն մասնակցելու Երևանի ավագանու արտահերթ նիստին, որը հունվարի 21-ին հրավիրվել է ընդդիմադիր ուժերի, մասնավորապես, «Մայր Հայաստան» խմբակցության նախաձեռնությամբ՝ ժողովրդական պահանջ-ստորագրահավաքով:
Ըստ այնմ, Փաշինյանի անձնական ու խմբակային շահերն սպասարկող «Հանրապետությունը» ցանկանում է պազապես տապալել Երևանի ավագանու նիստը, որի քննարկմանը պիտի դրվեր ուղեվարձը չթանկացնելու ժողովրդական պահանջը: Պարզ ասած, դրանք ցանկանում են մտնել մեր բոլորի գրպանը՝ թալանչիական 300 դրամ «կլպելով» ուղետոմսի համար, որն իրականում պետք է նույնիսկ 100 դրամից քիչ արժենար:
Ավելին, այսպիսով Փաշինյանին (Ավինյանին) ծառայություններ մատուցող «Հանրապետությունը» ցինիկաբար հայտարարում է, որ թքած ունի հարյուր հազարավոր երևանցիների վրա, ժողովրդական պահանջի (ստորագրահավաքի) վրա:
Մյուս կողմից, Փաշինյանն ու իր խումբը այսպիսով խոստովանում են, որ սարսափած են այն աստիճան, որ ամեն գնով խուսափում են նշված հարցի քննարկումից անգամ ու, նման «տապոռ» ձևով նիստը տապալելուց բացի, այլ տարբերակ չեն տեսնում:
Դե ինչ, սիրելի հայրենակիցներ, մեզ մնում է նույն «դրամով» հատուցել նրանց: Ոչ մեկս չենք վճարում գռփողական, թալանչիական ուղեվարձը, և՝ վե՛րջ:
Նրանք տապալո՞ւմ են քաղաքակիրթ եղանակով հարցի քննարկումը, հոգ չէ: Ելնում ենք փողոցներ ու հրապարակներ: Հերիք եղավ, բոլ եղավ:
Բոյկո՛տ սրանց սահմանած ուղեվարձին:
Բոյկո՛տ այս իշխանություններին:
Բոյկո՛տ դրանց ընդունած որոշումներին:
Բոյկո՛տ հակասոցաիալական ու հարկային տեռորին:
Zham.am