Հայաստանում կան քաղաքական հետապնդումներ և բռնաճնշումներ. Լիլիթ Թումանյան
«Մենք այսօր նշում ենք մարդու իրավունքների միջազգային օրը։ Իհարկե, որոշ երկրներում սա կարող է տոնական օր լինել, սակայն Հայաստանը դեռ հեռու է այդ օրվանից»,- «Քաղաքական իրավունքների հայկական կենտրոն» իրավապաշտպան ՀԿ-ի կազմակերպած «Քաղաքական իրավունքները և հետապնդումները Հայաստանում» թեմայով քննարկմանն ասաց կենտրոնի համահիմնադիր Լիլիթ Թումանյանը։
Նա նշեց, որ այս օրը մեզ դեռևս չի ուրախացնում. «Ավելին, մենք կարող ենք վերանվանել այս օրը որպես ոչ թե համաշխարհային տոնական օր, այլ մարդու իրավունքների համակարգային խախտումների արձանագրման օր»։
«Մենք կարող ենք պնդել ու արձանագրել, որ որ այս մեկ տարվա ընթացքում, ի հեճուկս պետական մարմինների բազմաթիվ պաշտոնական հայտարարություների, Հայաստանում կան, առկա են, արձանագրված են քաղաքական հետապնդումներ և բռնաճնշումներ»,- ասաց Լիլիթ Թումանյւանը։
Աղբյուր` Panorama.am
Հետևեք մեզ Facebook-ում