Մեդվեդևը Թրամփի համար կանխատեսում է Քենեդու ճակատագիրը

Ռուսաստանի անվտանգության  խորհրդի նախագահի տեղակալ Մեդվեդևը, անդրադառնալով ամերիկյան   ընտրություններին, նշել է բառացիորեն հետևյալը.

«...Մենք որևէ մեծ ակնկալիքի պատճառ չունենք...»:

Ըստ Մեդվեդևի,   Ռուսաստանը ոչինչ չի շահում ԱՄՆ ընտրություններից, այլ կենտրոնացած   պիտի լինի  Ուկրաինայում ընթացող պատերազմում հաղթանակ տանելու վրա։

Պատճառաբանելով իր հիմնավորումը, նա նշել է.

Առաջին՝

Ռուսաստանի համար ընտրությունները ոչինչ չեն փոխի, քանի որ թեկնածուների դիրքորոշումները լիովին արտացոլում են երկկուսակցական կոնսենսուսը Ռուսաստանի պարտության անհրաժեշտության վերաբերյալ։

Երկրորդ՝

Կամալան հիմար է, անփորձ, վերահսկվող և վախենում է  իր շրջապատի բոլոր մարդկանցից։ Փաստացի՝ երկրի ղեկավարումը կհայտնվի  ամենակարևոր նախարարների և օգնականների մի խումբ մարդկանց ձեռքը, գումարած դրան  կշարունակվի Օբամայի ընտանիքի կողմից անուղղակի ազդեցությունը նրա վրա :

Երրորդ՝

Հոգնած Թրամփն, ով  հնչեցնում է «Ես գործարք կառաջարկեմ» և «Ես հիանալի հարաբերություններ ունեմ...» արտահայտություններ, նույնպես ստիպված կլինի հետևել համակարգի բոլոր կանոններին: Նա չի կարող դադարեցնել հակամարտությունը։ Ո՛չ մեկ օրում, ո՛չ երեք օրում, ո՛չ երեք ամսում: Եվ եթե նա իսկապես փորձի, դա կյանքի կոչել, ապա ապա կարող է կիսել Ջոն Քենեդիի ճակատագիրը:

Մեդվեդևը փաստացի հայտարարում է, որ ուկրաինական պատերազմի հետագա ճակատագիրը չի կարող կախված լինել Թրամփի ներկայիս դիրքորոշումից, քանի որ այդ պատերազմի մեջ ուղղակի շահագրգրված են ամերիկյան ազդեցիկ ռազմա-արդյունաբերական համալիրի ներկայացուցիչներչը: Եվ, եթե Թրամփն անտեսի այդ շրջանակների շահերը, ապա կունենա այն ճակատագիրը, որն ունեցավ Քենեդին, 1963-ին, երբ փորձում էր դիմակայել այն ժամանակվա ամերիկյան նույնատիպ շրջանակների շահերին:

Ինչքանով կարող է իրական դառնալ Մեդվեդևի կանխատեսումը, դժվար է ասել:

Նշենք միայն, որ միայն վերջին կես տարվա ընթացքում Թրամփի վրա իրականացվել է առնվազն երկու մահափորձ, ընդ որում մեկի ժամանակ, Թրամպը պատահական է փրկվել:

Իսկ դա նշանակում է, որ Թրամփի ներկայիս դիրքորոշումները տարբեր հարցերում ուղղակի հակասության մեջ են մտել ամերիկյան ազդեցիկ դիփ-սթեյթի շրջանակների հետ: Իսկ այդ ժամանակ, հայտնի է, թե ինչ է կատարվում:

Իսկ  Մեդվեդևի այս նախազգուշացումը, նպատակ ունի ռուս հանրությանը հեռու պահել ավելնորդ պատրանքներից՝ կապված ամերիկյան ընտրության արդյունքի հետ:

Սակայն ամերիկյան ընտրության արդյունքը միայն ուկրաինական խնդրի վրա չի ազդի:

Այն կարող է ունենալ ավելի խորը գաղափարական և արժեքային ազդեցություն՝ ցույց տալով և նույնիսկ թելադրելով նոր թրենդ մյուս երկրների վրա:

Այլ հարց է, որ Ռուսաստանում այս խնդիրը հիմնականում դիտարկում են ռուս-ուկրաինական պրիզմայով, և այդ պատճառով էլ Մեդվեդևի գրառմանը համամիտ է ռուսական վերնախավի զգալի մասը:

Սա է իրականությունը:

Արտակ Հակոբյան
Zham.am