«Վաղուց պետք է հրաժարական տված լիներ»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․

«Այս խայտառակության համար վաղուց պետք է հրաժարական տված լիներ ԿԳՄՍ նախարար Ժաննա Անդրեասյանը լրագրողներին ներկայացրել է դասագրքերի տպագրության հետ կապված խայտառակ վիճակը՝ ասելով․ «Եղել են 10 առարկաներ, որոնցով դասագիրք չի երաշխավորվել: Կամ չի ներկայացվել մրցութային գործընթացում հայտ, կամ ներկայացվել է, բայց դրական եզրակացություն չի ստացվել: Այդ 10 դասարանների համար դպրոցներին նախապես դեռևս օգոստոսին տեղեկացվել է, որ ուսուցումը կազմակերպեն հին դասագրքերով: Այսինքն՝ եթե քիմիայի 10-րդ դասարանի համար նոր դասագիրք չի տպագրվել, պետք է կրթությունը կազմակերպվեր նախորդ տարվա դասագրքով: Այստեղ ևս, որևէ խնդիր չենք ունեցել, որովհետև առկա են դասագրքերը:

Երեք առարկաների մասով, որոնցից մեկը 10-րդ դասարանի պատմությունն է և երկուսը 7-րդ և 8-րդ դասարանի թվային գիտություն, համակարգչային գրագիտություն առարկան է, մենք նյութեր ենք տրամադրել, Տավուշի մարզում գործածված նյութերը»։ Խայտառակություն է, 10 առարկաների դասագրքերը չեն երաշխավորվել, 3 առարկաների ուսուցումն էլ նյութերով է արվում։ Սա նախարարության մեծ թերացումն է, այս խայտառակության համար Ժաննա Անդրեասյանը վաղուց պետք է հրաժարական տված լիներ։ Երևի նա էլ, Նիկոլ Փաշինյանի նման, հպարտանում է մեր պարտություններով, կառչած է իր աթոռին»։