Հայաստանի օրվա իշխանությունը տգիտության հետևանք է. Թևանյան (հարցազրույց ՌԴ պետական դումայի «Союз национальностей» ամսագրին)

Բոլոր չարիքների հիմքում տգիտությունն է։ Դավաճանությունը գալիս է լրացնելու տգիտության բերած ավերածությունները։

ՀՀ անկախությունից ի վեր կրթական համակարգը պարբերաբար ենթարկվել է հարձակումների։ Վերջում ստացել ենք այնպիսի քաղաքացիներ, որոնք սպառում են ցածրակարգ ապրանքներ ինչպես սովորական, այնպես էլ քաղաքական կյանքում։

Նիկոլ Փաշինյանը տգիտության հետևանքն է։ Երբ քաղաքացուն դարձնում ես էժանագին սերիալների և ընտրակաշառքի մատերալ, վերջում ստացվում է Նիկոլ։

Կրթական համակարգը պետք է դիտարկվի որպես մեր երկրի անվտանգության կարևորագույն բաղադրիչ։ Մանկապարտեզը, դպրոցը, ԲՈՒՀ–ը պետք է դառնան մարդ ու քաղաքացի ձևավորելու օղակներ, իրական մասնագետներ ստանալու կառույցներ, այլ ոչ թե դիպլոմ բաժանողներ կամ ժամանակ վաճառողներ։ Առանձին բացառությունները հանած՝ մենք կրթօղախների լուրջ դեֆիցիտ ունենք։

Այս իշխանությունների օրոք կրթական համակարգը ոչ միայն հարձակման է ենթարկվում, այլ նաև ծառայեցվում է թշնամուն։ Մարդկանցից ուզում են մանկուրտ՝ առանց հիշողության բիոզանգված ստանալ։

Կրթական համակարգին վերաբերող մի քանի հարցերի եմ անդրադարձել Ռուսաստանի Դաշնության Պետական Դումայի հովանու ներքո հրատարակվող «Союз национальностей» ամսագրին տված հարցազրույցում։

«Մայր Հայաստան» շարժման առաջնորդ Անդրանիկ Թևանյանի ֆեյսբուքյան էջից