Հայկազ Բաղմանյանի գիտելիքներն ու փորձը կարող են շատ պետք գալ երկրին. Վիգեն Սարգսյան (Տեսանյութ)
Գեներալ Հայկազ Բաղմանյանի հետ աշխատանքային հարաբերություններում եղել է խնդիր, որն անհամատեղելի էր այդ հարաբերությունների շարունակականության հետ, ասել է ՀՀ պաշտպանության նախարար Վիգեն Սարգսյանը «Շանթ» հեռուստաընկերությանը տված հարցազրույցում։
«Որոշումը միշտ երկրի նախագահինն է, որովհետև այդ պաշտոններում նշանակումներն ու ազատումները միշտ իրականացնում է երկրի գերագույն գլխավոր հրամանատարը: Բայց ես նաև առիթ եմ ունեցել շատ մանրամասն անդրադառնալու Հայկազ Բաղմանյանի անցած ուղուն իմ վերաբերմունքին և, ինչին, ցավոք սրտի, այս օրերի քննարկումներում շատ մասնակի էր անդրադարձ կատարվում», - նշել է Սարգսյանը։
«Չէր ասվում, որ ես բարձր եմ գնահատում իր մարտական ուղին և այն գործը, որ նա կատարել է հատկապես արցախյան պատերազմի օրերին: Ես այսօր էլ համարում եմ, որ նրա գիտելիքները, հմտությունները, նրա փորձը կարող է շատ պետք գալ երկրին, երկրի խնդիրներին ծառայելու համար», - ընդգծել է նա:
Հարցազրույցի այլ մանրամասները՝ տեսանյութում:
Հետևեք մեզ Facebook-ում