Ֆրանսիայի դեսպանը վիզաների վաճառքո՞վ է զբաղվել, 35 միլիոն եվրոյի՞... «Հրապարակ»

Ֆրանսահայ հայտնի բլոգեր, հետաքննող հեռուստալրագրող Լեո Նիկոլյանը X ցանցում (նախկին Twitter) դիմել է Ֆրանսիայի նախագահ Էմանուել Մակրոնին՝ «երկրի արտաքին քաղաքական գերատեսչությունում գոյություն ունեցող կոռուպցիան բացատրելու պահանջով»։ «Հրապարակը» գրում է, որ նա, մասնավորապես, մատնանշել է, որ «Հայաստանում Ֆրանսիայի դեսպան Օլիվիե Դըկոտինյին «վիզաների անօրինական վաճառքի միջոցով յուրացրել է 35 մլն եվրո գումար»։
Հիշեցնենք՝ ամիսներ առաջ Նիկոլյանը հանդես էր եկել մեկ այլ աղմկահարույց հրապարակմամբ՝ կապված ՀՀ-ում Ֆրանսիայի նախկին դեսպան Անն Լույոյի հետ։ Ֆրանսահայ լրագրողը հրապարակել էր HSBC բանկի փաստաթուղթ, որում երեւում է, որ «դեսպան Անն Լույոյի հաշվին Ադրբեջանից 2 մլն դոլար է փոխանցվել»։ 
Ավելի ուշ, Նիկոլյանը հայկական լրատվամիջոցների հետ զրույցում պնդել էր, որ Ֆրանսիայի դեսպանը հօգուտ Ադրբեջանի լրտեսությամբ է զբաղվել Հայաստանում։
Հավելենք, որ հայազգի բլոգերը 90-ականներին, որպես ռազմական լրագրող, եղել է Հայաստանում, հարցազրույցներ է վարել ՀՀ բոլոր նախագահների հետ։
Ամբողջական հոդվածը կարող եք կարդալ այս հասցեով՝ :