Պատրուշևը նշում է, որ Փաշինյանն Արցախն ուրացել է Արևմուտքի ազդեցությամբ

Նիկոլ Փաշինյանի կողմից Արցախն ուրանալը, պարզվում է, արդեն «դասախոսության թեմա» է դարձել: Համենայն դեպս, ինչպես հաղորդում է Panorama.am-ը, ՌԻԱ «Նովոստիի» վրա հղումով, ՌԴ Անվտանգության խորհրդի քարտուղար Նիկոլայ Պատրուշևը դասախոսության ժամանակ նշել է, որ Հայաստանի վարչապետ Նիկոլ Փաշինյանը 1991 թվականի սահմաններում գտնվող Լեռնային Ղարաբաղի տարածքի մասին՝ հայտարարություններն արել է ակնհայտորեն Արևմուտքի ազդեցության տակ։ 
«Նա հայտարարեց, որ մենք (Երևանը - խմբ.) ճանաչելու ենք տարածքները (Լեռնային Ղարաբաղի) 1991 թվականի քարտեզի համաձայն... Կարծում եմ, որ նա այդ խոստովանություններն ու հայտարարություններն արել է Արևմուտքի ազդեցության տակ։ Նա բանակցել է նրանց հետ»,- ասել է Պատրուշևը։
Հիշեցնենք, որ օրեր առաջ Թբիլիսիում Փաշինյանը հայտարարեց՝ Հայաստանն ու Ադրբեջանը համաձայն են սահմանների դելիմիտացիա իրականացնել 1991 թվականի Ալմա-Աթայի հռչակագրի հիման վրա: