«Ում կովը բառաչի, քոնը թող լռի». Պուտինը՝ Շառլ Միշելին
Ռուսաստանի նախագահ Վլադիմիր Պուտինը բանավիճային «Վալդայ» միջազգային ակումբում եղած հարցուպատասխանի ընթացքում անդրադարձել է Եվրախորհրդի նախագահ Շառք Միշելի այն հայտարարությանը, որ Ռուսաստանը դավաճանել է հայերին:
«Ում կովը բառաչի, քոնը թող լռի»,-ռուսական ասացվածքը մեջբերելով ու ծիծաղելով ասել է Վ.Պուտինը: Ի դեպ, ասացվածքը մեջբերելիս նա շփոթել է կովն ու զամբիկը: Իսկ երբ զրույցը վարողը ուղղել է, Պուտինը, շարունակելով ծիծաղել, նկատել է. «Դե, կով է, զամբիկ է, կարևոր չէ, ինչ-որ կենդանի, կարճ ասած»:
Ինչպես փոխանցում է ռուսական «Իզվեստիան» Պուտինը նշել է, որ Քեռնային Ղարաբաղում ռուսական խաղաղապահները իրավունք ունեին միայն հետևել (դիտարկել) կրակի դադարեցման ռեժիմին:
Նա հիշեցրել է, որ 2022 թվականին (հոկտեմբերի 6-ին) տեղի է ունեցել Փաշինյանի ու Ալիևի հանդիպումը, որի ժամանակ Հայաստանը Ղարաբաղը ճանաչել է Ադրբեջանի մաս: ՌԴ նախագահն ընդգծել է, որ այդ հանդիպումը տեղի է ունեցել Միշելի, Ֆրանսիայի նախագահ Մակրոնի և Գերմանիայի դաշնային կանցլեր Շոլցի հովանու ներքո:
«Հայաստանը նույնիսկ Ադրբեջանի տարածքն է նշել՝ քառակուսի կիլոմետրերով: Ըստ էության լուծվեց գլխավոր հարցը. այն է՝ Ղարաբաղի կարգավիճակը: Նույնիսկ Հայաստանը չի ճանաչել Ղարաբաղի անկախությունը: Բայց Պրահայում ճանաչեցին, որ Ղարաբաղը պատկանում է Ադրբեջանին: Հետո ինձ մոտեցավ Ալիևն ու ասաց՝ բոլորը ճանաչեցին, որ Ղարաբաղը մերն է»,-ասել է Վ.Պուտինը:
Նրա խոսքով՝ դրանից հետո մնացել էր որոշել միայն այն հարցը, թե Ադրբեջանն ինչպես է Ղարաբաղում սահմանադրական կարգ հաստատելու: Պուտինը նաև նշել է, որ ռուսական խաղաղապահներ են այնտեղ զոհվել՝ պաշտպանելով հայ բնակչությանը:
Zham.am