Հայաստանը, Պիղատոսի նման, ձեռքերը լվաց և Արցախի հայերին թողեց ադրբեջանական բորենիների հոշոտմանը. Արթուր Խաչատրյան

«Եթե իրենք (ՀՀ իշխանությունները - խմբ.) օգնեին և զորակցեին Արցախի նոր ղեկավարությանը, ապա այս ամեն ինչը չէր լինի»,-այսօր, լրագրողների հետ զրույցում նշեց «Հայաստան» խմբակցության պատգամավոր Արթուր Խաչատրյանը՝ անդրադառնալով ՔՊ-ականների կողմից ընդդիմության հասցեին հնչած մանիպուլյատիվ ու անհեթեթ մեղադրանքներին, թե՝ Արցախի հետ կատարված ողբերգությունը հետևանք էր ԼՂՀ նախագահ ընտրված Շահրամանյանին ՀՀ ընդդիմության կողմից շնորհավորելու:
Նա նաև հավելեց. «Շնորհավորանքի պատճառով դա չեղավ, կրկնում եմ: Հայաստանը (իշխանությունները), Պիղատոսի նման, ձեռքերը լվաց և Արցախի հայերին թողեց ադրբեջանական բորենիների հոշոտմանը»:
Անդրադառնալով Արցախի նախկին ԱԽ քարտուղար Սամվել Բաբայանի հայտարարություններին, որ Արցախում իշխանափոխություն արած Արցախի նախկին նախագահները, ԱԺ պատգամավորները պետք է կանգնեն դատարանի առաջ, Արթուր Խաչատրյանը նշեց, որ առաջին հերթին հենց Սամվել Բաբայանը պետք է կանգնի դատարանի առաջ։

Մանրամասն՝ News.am-ի հրապարակած տեսանյութում