Սասուն Խաչատրյանի, Ռուստամ Բադասյանի, Արայիկ Հարությունյանի, Արմեն Գրիգորյանի ավտոմեքենաներին կապույտ փարոսիկներ կտեղադրեն, որ բոլորը զիջեն

Կառավարությունն այսօրվա՝ հունիսի 1-ի նիստում ավելացրեց այն տրանսպորտային միջոցների ցանկը, որոնք ենթակա են կահավորման կապույտ առկայծող փարոսիկներով կամ կապույտ կամ կապույտ և կարմիր առկայծող փարոսիկներով։

Հիմնավորման մեջ նշվում է, որ ՀՀ հակակոռուպցիոն կոմիտեն օժտվել է քրեադատավարական և օպերատիվ-հետախուզական գործունեություն իրականացնելու լիազորություններով։ Իսկ Պետական եկամուտներին կոմիտեն, չնայած ունի նման գործառույթ, բայց ներառված չի եղել ցանկում։

Ցանկում ներառված չեն նաև Անվտանգության խորհրդի անդամների և Վարչապետի աշխատակազմի ղեկավարի տրանսպորտային միջոցները, այնինչ վերջիններիս բնականոն գործունեության ապահովման անհրաժեշտություն է առկա: Ուստի հակակոռուպցիոն կոմիտեի, Պետական եկամուտների կոմիտեի տրանսպորտային միջոցներին կապույտ առկայծող փարոսիկներով կահավորելու իրավասություն տրվեց։

Նշվում է, որ շտապ օգնության, հրդեհային, զինվորական, փրկարար ծառայությունների և իրավակարգի ու անվտանգության ապահովման մարմինների տրանսպորտային միջոցները համարվում են օպերատիծ ծառայությունների տրանսպորտային միջոցներ, իսկ բոլոր տեսակի օպերատիվ ծառայությունների տրանսպորտային միջոցների առկայծող փարոսիկները պետք է լինեն կապույտ գույնի։

Ցանկում առաջարկվում է լրացնել նաև Անվտանգության խորհրդի անդամների և Վարչապետի աշխատակազմի ղեկավարի տրանսպորտային միջոցները՝ նրանց բնականոն գործունեության ապահովման անհրաժեշտությամբ պայմանավորված: 

Աղբյուրը՝ Yerevan.Today