Սամվել Ալեքսանյանը շարունակում է փչացած, մկնահոտ կոնֆետներ վաճառել

Մեծահարուստ Սամվել Ալեքսանյանը փչացած կոնֆետներ վաճառելով՝ շարունակում է գնորդների առողջության հաշվին հարստանալ

4 օր առաջ՝ մայիսի 19-ին Ավան թաղամասի «Երևան Սիթի» սուպերմարկետից տուփով սուր մկնահոտ, կոնֆետների ծայրերը պոկված շոկոլադե կոնֆետներ էի գնել։ Այդ մասին Ֆեյսբուքի իմ էջում հրապարակում եմ արել։ Դրան արձագանքելով ՀՀ սննդամթերքի անվտանգության տեսչական մարմնի իրազեկման, խորհրդատվության և հանրության հետ տարվող աշխատանքների բաժնի պետ Անուշ Հարությունյանն իմ էջում, իմ գրառման տակ գրել էր՝ ահազանգին ընթացք կտրվի։ Որպես լրագրող, սովոր եմ իմ բարձրացված հարցերի վերաբերյալ հետևողական լինել։ Այսօր՝ մայիսի 23-ին նույն սուպերմարկետից նույն կոնֆետներից գնեցի։ Գնածս տուփում նույն, կարելի է ասել՝ ավելի փչացած կոնֆետներ են։ Հանրախանութի դրամարկղի կտրոնի, կոնֆետների տուփի և փչացած կոնֆետների լուսանկարները ներկայացնում եմ։ Մեծահարուստ Սամվել Ալեքսանյանը շարունակում է փչացած, մկնահոտ կոնֆետներ վաճառել, հարստանալով գնորդների առողջության հաշվին։ Իսկ սննդամթերքի անվտանգության տեսչական մարմինը, չնայած պաշտոնյա Անուշ Հարությունյանի հավաստիացմանը, այդ հարցում անգործության է մատնված։

Ոսկան Սարգսյանի ֆեյսբուքյան էջից