ՌԴ ՊՆ-ն արձանագրել է, որ Ադրբեջանը խախտել է նոյեմբերի 9-ի եռակողմ հայտարարությունը

Ադրբեջանի Զինված ուժերը, խախտելով 2020 թվականի նոյեմբերի պայմանավորվածությունները, հատել են կողմերի շփման գիծը Շուշիի շրջանում և անցել դիրքի աշխատանքների իրականացման։ Այս մասին հայտարարություն է տարածել ՌԴ պաշտպանության նախարարությունը։

«2023 թվականի մարտի 25-ին Ադրբեջանի զինված ուժերի ստորաբաժանումը խախտելով Ադրբեջանի նախագահի, Հայաստանի վարչապետի և Ռուսաստանի նախագահի 2020 թվականի նոյեմբերի 9-ի հայտարարության 1-ին կետը, հատել է Շուշիի շրջանի շփման գիծը, զբաղեցրել 2054,0 նիշով բարձունք (Սարիբաբա լեռից 2, 9 կմ հյուսիս-արևելք) և անցել դիրքի ինժեներական կահավորման»,- ասվում է գերատեսչությունում։

Նշվել է, որ ռուս խաղաղապահները միջոցներ են ձեռնարկում՝ կանխելու ճգնաժամային իրավիճակի սրումը և կանխելու պատերազմող կողմերի փոխադարձ սադրանքները։