Թուրքիայում ջրհեղեղի հետեւանքով 5 մարդ է մահացել, կան անհետ կորածներ

Թուրքիայի Շանլիուրֆա եւ Ադիյաման նահանգներում ջրհեղեղների հետեւանքով հինգ մարդ է մահացել, կան տեղեկություններ անհետ կորածների մասին, հայտնում է Tvnet-ը։ Թուրքիայի Շանլիուրֆա նահանգում տեղատարափ անձրեւը ջրհեղեղ է առաջացրել, հեղեղվել է հիվանդանոցը, դպրոցներում դասերը դադարեցվել են, ավելի վաղ հայտնել էր Habertürk հեռուստաալիքը։

Հեռուստաալիքի տվյալներով՝ ջրհեղեղների հետեւանքով մինչ այժմ հինգ մարդ է մահացել։

Tvnet-ի հեռարձակմանը միացած Շանլիուրֆայի քաղաքապետ Զեյնել Աբիդին Բեյազգյուլն ասել է, որ «կան անհետ կորածների մասին տեղեկություններ, սակայն մենք չենք կարող հաստատել դրանք»։