Փրկարար ծառայությունը մանրամասներ է հայտնում ավերիչ երկրաշարժից տուժած Թուրքիայում և Սիրիայում հայ փրկարարների աշխատանքների մասին
Հայ փրկարարները շարունակում են աշխատանքներ իրականացնել Թուրքիայի և Սիրիայի՝ ավերիչ երկրաշարժից տուժած շրջաններում: «Հայ փրկարարները, միջազգային գործընկերների հետ համատեղ շղթաներ կազմած, շարունակ փորձում են փորել փլուզված շենքերը՝ հորդորելով հաճախակի լռել՝ օգնության համար խնդրանքի ձայներ լսելու հույսով։
Որոնողափրկարարական թիմերը, օգտագործելով հատուկ տեխնիկական միջոցներ, փնտրում են «դատարկություններ»՝ մեծ բետոնե ճառագայթների կամ փլուզված աստիճանահարթակների տարածքներ, որտեղ կարելի է գտնել տուժածներին։ Մինչ փրկարարները փորձում են հասնել ողջ մնացածներին, աջակցող թիմերը հետևում են շենքերի շարժին՝ հաշվի առնելով դրանց հետագա փլուզման հավանականությունը, ինչպես նաև՝ այլ վտանգների առկայությունը»,- նշված է ՀՀ ՆԳՆ Փրկարար ծառայության տարածած հաղորդագրության մեջ:
Իրականացվող լայնածավալ աշխատանքների արդյունքում Ադիյաման քաղաքի փլուզված տարածքներում փրկարարները, համագործակցելով ԱՄՆ որոնողական թիմի հետ, հայտնաբերել և փլատակներից դուրս են բերել 3 տուժած քաղաքացու։ Սիրիայում և Թուրքիայում աշխատանքային տարբեր տեղամասերում հայ փրկարարները շարունակում են իրականացնել շինությունների թուլացած և կախված կառուցատարրերի ապամոնտաժում, փլատակների քանդման և տարածքից հատուկ տեխնիկայով հեռացման աշխատանքներ։ Կինոլոգիական խումբը ևս ակտիվորեն ներգրավված է որոնողափրկարարական աշխատանքներին։
Հետևեք մեզ Facebook-ում