Անցած շաբաթ հայկական ժողովրդավարությունը նոր «փայլուն նվաճումներ» արաձանագրեց. Աղվան Վարդանյան

Շնորհավորում եմ, անցած շաբաթ հայկական ժողովրդավարությունը նոր «փայլուն նվաճումներ» արաձանագրեց: Ազգային ժողովում ճեպազրույցների ժամին ասաց «Հայաստան» խմբակցության պատգամավոր Աղվան Վարդանյանը և հերթով թվարկեց այն նշանակումներն ու ընտրությունը, որոնք արել է իշխանությունը:

«Մենք ունենք Կենտրոնական ընտրական հանձնաժողովի նախագահ, միակուսակցական համակարգից, մենք ունենք ԲԴԽ նախագահ նմույն տեղից: Դրանից որոշ ժամանակ առաջ ՍԴ դատավոր էին ընտրել, որի ուղեղը կազմված է միայն Մարտի մեկ բառակապակցությունից: Հիշեք նաև ՄԻՊ ունենք նույն թևից: Այնպես որ տարօրինակ է, որ միջազգային կառույցները, դեսպանատները չեն ողջունում, չեն արձանագրում այս «առաջընթացը»: