Ամերիաբանկը՝ Orion Summit 2022 տեխնոլոգիական գագաթնաժողովի Platinium հովանավոր
Այսօր՝ հունիսի 22-ին տեղի ունեցավ Orion Summit 2022 տենոլոգիական գագաթնաժողովի բացման արարողությունը:
Գագաթնաժողովի առանցքային ուղղվածություններից մեկն էկոհամակարգային լուծումների ներկայացումն է ու դրանց ներդրման խրախուսումը հայկական ընկերություններում: Կարևորելով Orion Summit-ի դերը հայաստանյան էկոհամակարգերի ստեղծման ու զարգացման գործում՝ Հայաստանի առաջատար ֆինանսական-տեխնոլոգիական կառույցը՝ Ամերիաբանկը, որպես Պլատինում հովանավոր միանում է Orion Summit 2022-ին՝ համատեղելու ջանքերը թվային էկոհամակարգերի դերն ու նշանակությունը ներկայացնելու համար։
Orion Worldwide Innovations-ի հիմնադիր Էմմա Առաքելյանը լրագրողների հետ ճեպազրույցում նշեց, որ կան ընկերություններ, որոնք կներկայացնեն իրենց արտակարգ աճը և հաջողությունները համաշխարհային շուկայում: «Ներկայացնելու ենք նաև «Կոնսոլիդացնենք հայկական ստատափ էկոհամակարգը», որը կաջակցի Հայաստանի էկոնոմիկայի արագ զարգացմանը և համաշխարհային շուկա տանելու համար: Հաջորդ թեման, որը մենք ուրախությամբ ներկայացնում ենք, սկիզբն է մի շատ կարեւոր շարժման՝ կոչվում է «Թվային Ջուղա»: Սա նշանակում է, որ մենք վերականգնում ենք մեր մեծ ուժը, որն ունեցել ենք 200-300 տարի առաջ՝ Ամստերդամից մինչեւ Մանիլա: Այս բոլոր միջոցառումները դեռ սկիզբն են: Մենք շարունակելու ենք համաշխարհային համագործակցություններ ստեղծել տարբեր երկրների ճանաչում ունեցող ընկերությունների հետ։
Ամերիաբանկի իրավական հարցերի գծով տնօրեն Դավիթ Սարգսյանը նշեց, որ իրենք հանդիսանում ենք միջոցառման պլատինում հովանավորը, քանի որ շատ են կարևորում թվայնացման զարգացումը Հայաստանի Հանրապետությունում և բիզնեսներում. «Ամերիաբանկը միշտ եղել է նորարար տարբեր բնագավառներում և կարևորել է տարբեր նորարարական ծրագրերի իրականացումը: Այդ տեսանկյունից մենք արդեն մի քանի տարի է ինչ զարգացնում ենք տարբեր էկո համակարգեր, որոնք նպատակաուղղված են ինչպես բիզնեսի կյանքի հեշտացմանը, այնպես էլ տարբեր կազմակերպությունների, որ կարողանանք այնպես անել, որ այդ էկո հարթակների միջև հանդիպեն պահանջարկն ու առաջարկը»։
Orion Worldwide Innovations Armenia-ի համահիմնադիր Դիանա Արզումանյանն էլ ասաց, որ ծրագրի խնդիրն է թվայնացման միջոցով ժամանակակից պահանջներին համապատասխան հետ բերել մեր նախկին դիրքերն IT ոլորտում՝ ներգրավելով արվեստը, երաժշտությունը:
Ամերիաբանկի ինովացիաների և թվայնացման գծով տնօրեն Արտյոմ Շամցյանն էլ լրագրողների հետ ճեպազրույցում ասաց. «Այսօր Ամերիաբանկը թվային տրանսֆորմացիայի ուղղության վրա է, և մենք տեսնում ենք մեր աճը էկոհամակարգի մոտեցման ներքո և մասնակցելով նման միջոցառումներին ու լինելով հիմնական հովանավորը՝ կարևորում ենք հենց էկոհամակարգային մոտեցումը: Եթե մենք կարող ենք ձևավորել թվային հարթակներ, որոնք ներառում են թե՛ ֆինանսական, թե՛ ոչ ֆինանսական սերվիզներ, դա հենց դառնում է էկոհամակարգ: Այսինքն մենք էլ չենք տեսնում ուղղակի բանկային ուղղություն, արդեն բանկը դառնում է մի քանի ուղղություններով էկոհամակարգեր:
Նշենք, որ Ամերիաբանկը Հայաստանի խոշորագույն ֆինանսական-տեխնոլոգիական հաստատությունն է և ՀՀ տնտեսական ոլորտի առավել նշանակալի դերակատարներից մեկը: Ամերիաբանկը ներկայանում է էկոհամակարգերի և թվային լուծումների փաթեթով: Այն հանրավորություն է տալիս հաճախորդներին բոլոր հիմնական ուղություններով ստանալ ոչ միայն հարմարավետ և հնարավորինս արագ ֆինանսավորում, այլև հաշվի բացումից մինչև քարտի տրամադրում և ֆինանսավորման համար դիմելու ամբողջ ուղին անցնել Ամերիա էկոհամակարգերի առցանց միջավայրում: