Պուտինի և Բայդենի բանակցություններն ավարտվել են
ՌԴ նախագահ Վլադիմիր Պուտինի և ԱՄՆ նախահգահ Ջոզեֆ Բայդենի բանակցություններն ավարտվել են։ Դրանք տևել են ավելի քան երկու ժամ: Հանդիպումն անցկացվել է տեսակամուրջի ձևաչափով։ Պուտինը Սոչիի իր նստավայրից է կապ հաստատել իր ամերիկացի գործընկերոջ հետ։
ՌԴ նախագահն այնտեղ է ժամանել Նյու Դելիից, որտեղ նա այցելել էր նախորդ օրը։ Ինչպես ավելի վաղ հաղորդվել էր, հանդիպմանը պլանավորվում էր քննարկել Ուկրաինայի շուրջ ստեղծված իրավիճակը եւ ՆԱՏՕ-ի արևելք առաջխաղացման, ռազմավարական կայունության, երկկողմ հարցերի, ինչպես նաև տարածաշրջանային անվտանգության, այդ թվում ՝ Աֆղանստանի իրադրության թեմաները: Հեռուստակամուրջի սկզբում Պուտինն ու Բայդենը փոխանակվել են ողջույններով, ընդ որում, ԱՄՆ նախագահը հույս է հայտնել, որ ապագայում Ռուսաստանի նախագահի հետ առերեսվելու հույս կունենա: Հետագա բանակցություններն անցել են փակ դռների հետևում։ Հեռուստակամուրջը կազմակերպվել է երկու երկրների ղեկավարության շփման համար նախատեսված տեսակամուրջի պաշտպանված գծի միջոցով, այն առաջին անգամ է օգտագործվել։ Ինչպես հայտնել է Bloomberg գործակալությունը, Բայդենը Ռուսաստանի առաջնորդի հետ բանակցություններից հետո մտադիր է դրանց արդյունքները քննարկել եվրոպական դաշնակիցների հետ:
Պետությունների ղեկավարների զրույցը դարձել է Բայդենի ՝ ԱՄՆ-ի նախագահի պաշտոնը ստանձնելու պահից ի վեր հինգերորդ զրույցը: Ավելի վաղ առաջնորդները երեք անգամ շփվել են հեռախոսով, իսկ հունիսի կեսերին նրանք Ժնևում դեմ առ դեմ հանդիպում են անցկացրել: Այդ ժամանակ Պուտինի և Բայդենի առանձնազրույցը գրեթե երկու ժամ է տևել, երկու կողմերի գնահատմամբ, այն կառուցողական էր։ ՌԴ-ի և ԱՄՆ-ի Ժնևի գագաթնաժողովն առաջինն է 2018 թվականից ի վեր: