Ավոյի ծննդյան 64-ամյակին. Էլբակյանը տեսանյութ է հրապարակել
ԱՎՈՅԻ ԾՆՆԴՅԱՆ 64-ԱՄՅԱԿԻՆ
• Հայկական նախագիծ / Armenian Projectի «Մարզահոսի» հերթական թողարկումը նվիրել ենք Մոնթեի ծննդյան 64-ամյակին։ Նկարել ենք վերջինիս ծննդավայրում, և կադրերում կարող եք տեսնել այն հիվանդանոցը, որտեղ ծնվել է Ավոն։
• Թողարկման մեջ Մոնթեի կենսագրության առանցքային դրվագների թողարկումից հետո փորձել եմ ի մի բերել նրա կերպարի առանձնահատուկ կողմերը և եկել այն եզրահանգման, որ դա հայի իդեալական կերպարն է (մոռացել եմ միայն թվարկել կնոջ հանդեպ սերն ու նվիրվածությունը, որը նույնպես պետք է դասենք իդեալական հայ տղամարդու տեսակին)։
• Խոսել եմ նաև այն մասին, թե որտեղից է ծագում հերոսի հանդեպ մեր թշնամիների այդքան ուժեղ ատելությունը, և թե ինչպես անգամ հետմահու Ավոյի կերպարը կարող է օգնել մեզ վերաձևելու հայոց ազգային գաղափարախոսությունը։ Խորհուրդ եմ տալիս անպայման դիտել և դիտել մինչև վերջ, որովհետև ընդգրկել ենք նաև կարևոր վավերագրական կադրեր Ավոյի պատկերմամբ։
#հավերժականՀայաստան #հայկականնախագիծ
Քաղաքագետ Էդգար Էլբակյանի Ֆեյսբուքյան էջից