Այս վերջին տողը ակնարկն է այն բանի, որ օրակարգում նաև Էրդողանի տված կամ չտված պատասխանն է եղել Նիկոլ Փաշինյանի հանդիպում խնդրելուն ի պատասխան
Վրաստանի վարչապետ Իրակլի Ղարիբաշվիլիի այցը Հայաստան գրեթե արձագանք չստացավ, կասկածելի է այդ անշքությունը, բայց երկու երկրների կառավարությունների հաղորդագրություններում մի փոքր տարբերություն կա, որը հուշում է լայն օրակարգի մասին:
ՀՀ կառավարության տարածած հաղորդագրությունը ընդհանրական է և խոսվում է միայն երկկողմ հարաբերությունների մասին, այնինչ Վրաստանի կառավարության տարածած հաղորդագրության մեջ խոսվում է Վրաստանի միջնորդական դերի,տարածաշրջանում փոփոխությունների, նոր հնարավորությունների, խաղաղության նախաձեռնության մասին.«Հանդիպման ընթացքում Վրաստանի վարչապետը վերահաստատել է իր պատրաստակամությունը, որ Վրաստանը կշարունակի ակտիվ միջնորդական դերը խաղաղություն, կայունություն ապահովելու համար և տարածաշրջանը աստիճանաբար փոխակերպվի նոր հնարավորությունների, զարգացման և խաղաղության տարածաշրջանի: Երկու երկրների վարչապետները քննարկել են նաև երկկողմ համագործակցության օրակարգի կարևոր հարցեր և քննարկել այն բոլոր հարցերը, որոնք քննարկվել են Նիկոլ Փաշինյանի Թբիլիսի կատարած պաշտոնական այցի ընթացքում»:
Այս վերջին տողը ակնարկն է այն բանի, որ օրակարգում նաև Էրդողանի տված կամ չտված պատասխանն է եղել Նիկոլ Փաշինյանի հանդիպում խնդրելուն ի պատասխան:
Այնուամենայնիվ, Ղարիբաշվիլիի այցի իրական նպատակը կողմերը չեն հայտնում, գուցե կրկին այցի նպատակը լսենք Էրդողանի հրապարակային հայտարարություններից: Բայց կա փաստ՝ Վրաստանը մտնում է խաղի մեջ ու կարևոր դերակատարմամբ, իսկ որն է դիրքորոշումը «3+3»-ի ու «Պարսից Ծոց - Սև ծով» տրանսպորտային միջանցքի վերաբերյալ, հայտնի չէ:
Թվիթերի իր միկրոբլոկում էլ Վրաստանի վարչապետը իր այցը ՀՀ արդյունավետ է որակել. «Նիկոլ Փաշինյանի հետ հանդիպմանը մենք քննարկեցինք խաղաղության նոր նախաձեռնությունը և Վրաստանի պատրաստակամությունը`ակտիվ միջնորդություն վարել հանուն տարածաշրջանում խաղաղության և զարգացման ավելի մեծ հնարավորությունների»:
Վրաստանի վարչապետը ՀՀ այցից հետո Բաթումիում՝ լրագրողների հետ զրույցում հիշեցրել է նաև, որ ինքը հունիսին արդեն միջնորդության հաջող նախադեպ ստեղծել է կողմերի համար. «Երբ մեր անմիջական ջանքերով և բնականաբար, Ադրբեջանի և Հայաստանի ղեկավարների համաձայնությամբ հաջողվեց ազատ արձակել բանտարկյալներին, ինչպես նաև քարտեզներ հանձնել Ադրբեջանին»:
Մի խոսքով՝ նոր խաղեր ու լիքը հարցեր...
Բեթղեհեմ Արաբյանի Ֆեյսբուքյան էջից