«Առավել քան վստահ եմ, որ կապիտուլյանտի ու նրա տխրահռչակ թիմակիցների Ուսուցիչները երբեք չէին պատկերացի...». Արտակ Զաքարյանի շնորհավորական ուղերձը
Դիտել նաև
«Թուրքիայի հետ սիրախաղեր անելու` Նիկոլի գլխավոր պատճառն Անկարայի այս ծրագիրն է». Արտակ Զաքարյան
Երևանից նույնիսկ տասնյակ կմ հեռու բնակարանի 1 քմ-ն 320-500 հազար դրամ է․ ոչ թե՝ 200 հազար. Արտակ Բեգլարյան
Տրանսպորտը պետք է թանկանա. Արտակ Զեյնալյան
«Չի կարելի Նիկոլի վարչապետությամբ թույլ տալ արտահերթ ընտրություններ». Արտակ Զաքարյան
«Եթե վարչապետ Նիկոլը 2016-ի պատգամավոր Նիկոլի ձեռքն ընկներ, ամենավերջին հայհոյանքները կստանար». Զաքարյան
Մի առիթով Ուինսթոն Չերչիլն ասել է. «Դպրոցի ուսուցիչներն այնպիսի իշխանություն ունեն, որի մասին վարչապետները միայն կարող են երազել»: Դա բացարձակ ճշմարտություն է բոլոր դարերի և բոլոր սերունդների համար, որովհետև Ուսուցիչն աշխատում է ամենապատասխանատու խնդրի վրա` նա ձևավորում է Մարդուն:
Սովորական ուսուցիչը՝ պատմում է, լավ ուսուցիչը՝ բացատրում է, բարձրակարգ ուսուցիչը՝ ցույց է տալիս, իսկ հանճարեղ ուսուցիչը՝ ոգեշնչում է: Հայաստանը նորից կվերածնվի, կամրանա ու կհաղթանակի, եթե Արցախի, Հայաստանի և Սփյուռքի ուսուցիչները ոչ միայն կրթեն, այլ նաև շարունակ ոգեշնչեն իրենց սաներին: Ազգային դպրոցը՝ հայապահպանության, հայոց ինքնության և պետականության անսասան հիմքն ու երաշխիքն է:
Սիրելի Հայ ուսուցիչներ,
մասնագիտական տոնի առթիվ ջերմորեն շնորհավորում եմ ձեզ, մաղթում եմ երկար կյանք ու անսահման հպարտություն: Ազգային ոգին թող երբեք չնահանջի Ձեր մեջ: Դուք այն վառվող ջահն եք, որը լուսավորել է հայոց միտքը: Ձեր ջանքերով ու նվիրումով կայացած կրթօջախները սերունդներ են ապրեցրել, զարգացրել և հանրահռչակել: Միայն անգետ ու անշնորհակալ մարդը չի գնահատի այն անգին ջանքերը, որոնք դուք ներդնում եք Ազգի հարատևության և Մարդ ստեղծելու գործում:
Կրկին շնորհավորում եմ մասնագիտական տոնի առթիվ և որպես աշակերտ՝ անչափ շնորհակալ եմ Ձեզ, սիրելի՛ ուսուցիչներ:
Հ.Գ.
Առավել քան վստահ եմ, որ կապիտուլյանտի ու նրա տխրահռչակ թիմակիցների Ուսուցիչները երբեք չէին պատկերացի, որ Հայրենիք ազատագրողների, պաշտպանողների ու զարգացնողների կողքին կարող էին ի հայտ գալ նաև Հայրենիք ավիրողներն ու հանձնողները: Ցավոք, կյանքը ցույց է տալիս, որ այդպես էլ է պատահում: Հետևաբար միշտ պետք է լինեն այն աշակերտները, որոնք ի զորու կլինեն շտկելու և վերականգնելու ապիկարների բոլոր ձախողումները:
Արտակ Զաքարյանի ֆեյսբուքյան էջից