Հայկական անվտանգային համակարգն այլևս չի կարող լոկալ բնույթի լինել. Մելիք-Շահնազարյան
Դիտել նաև
Քանի դեռ նրանք բանտարկված են, Հայաստանն ու Արցախը ոչ մի շանս չունեն. Հրանտ Մելիք-Շահնազարյան
Արցախը վերջապես սկսել է ճիշտ ուղով ընթանալ. Հրանտ Մելիք-Շահնազարյան
«Վաղը Նիկոլը գնում է Բրյուսել՝ Արցախը հանձնելու». Հրանտ Մելիք-Շահնազարյան
Կա Հայաստանը կապիտուլյացիայի ենթարկելու ևս մի փաստաթուղթ․ Հրանտ Մելիք-Շահնազարյան
«Արցախի բլոկադան գլխացավանք է դառնում Ադրբեջանի համար». Հրանտ Մելիք-Շահնազարյան
Իրավիճակը, որում հայտնվել են հայկական պետությունները և ընդհանրապես մեր տարածաշրջանը, ստիպում է, որպեսզի անվտանգություն ապահովելու հարցում Հայաստանի հաշվարկներն առավել քան ճշգրիտ լինեն։ Դրանք չեն կարող սահմանափակվել միայն Ադրբեջանի կամ Թուրքիայի ռազմական պոտենցիալի հետ մեր կարողությունների համադրմամբ ու այդ կոնտեքստում քիչ թե շատ ընդունելի լուծումների որոնումով։ Այդ հաշվարկն իրականում իր մեջ պետք է ներառի Միջին Ասիայից մինչև Մերձավոր Արևելք, Պարսից Ծոցից մինչ Սև ծովի ավազան և Եվրոպայից Չինաստան ընկած տարածքներում տեղի ունեցող բոլոր զարգացումները։ Ասել է թե հայկական անվտանգային համակարգն այլևս չի կարող լոկալ բնույթի լինել։ Այն պետք է դառնա աշխարհաքաղաքական լուրջ գործընթացներին մեր ճիշտ հաշվարկված մասնակցության պրոդուկտ։ Միայն այդ դեպքում կարելի կլինի հուսալ, որ Ռուսաստանի կամ ցանկացած այլ գերտերության ռազմական պոտենցիալ կարող է ծառայել հայկական երկու պետությունների անվտանգության համակարգին։ Հակառակ պարագայում Հայաստանն ու Արցախը դատապարտված են ձախողման, իսկ լավագույն դեպքում՝ ընդամենը մեծ տերությունների ձեռքում մանրադրամ լինելուն։
Ահա այս խնդիրներին է նվիրված «Դրօշակ»-ի հերթական համարում այսօր լույս տեսած իմ հոդվածը։ Հղումը կտեղադրեմ մեկնաբանություններում։ Հուսով եմ՝ կհետաքրքրի։
Հրանտ Մելիք-Շահնազարյանի ֆեյսբուքյան էջից