Սուրբ հողի տոնին ի՞նչ գործ ունեն այդ հողի արժեքը չհասկացող մարդիկ. Պետրոսյան. Տեսանյութ
Շատ օրինաչափ է, որ Նիկոլը ներկա չի եղել Արցախի անկախության 30-ամյակին նվիրված միջոցառմանը։ Մամուլի ասուլիսի ժամանակ ասաց ԱԺ նախկին պատգամավոր Գևորգ Պետրոսյանը։
«Սա սուրբ հողի, սուրբ հայրենիքի հետ կապված տոն է։ Ամեն մեկն ի՞նչ իրավունք ուներ այնտեղ գտնվելու։ Շատ լավ է, որ չի եղել։ Սուրբ հողի տոնին ի՞նչ գործ ունեն այդ հողի արժեքը չհասկացող մարդիկ»,-ասաց Գևորգ Պետրոսյանը։
Վերջինս հիշեցրեց՝ նախկինում Նիկոլ Փաշինյանն ասել էր, թե ինքն Արցախի ժողովրդի կողմից չի ընտրվել, չունի Արցախի ժողովրդի մանդատը՝ լուծելու արցախյան հիմնախնդիրը, բայց Գևորգ Պետրոսյանի խոսքով գաղտնի պայմանավորվածություններով լուծեց խնդիրն ի վնաս Արցախի։
«Բա որ ասում էիր՝ Արցախի կողմից լիազորված չես, ու՞ր գնացիր Արցախի ժողովրդի անունից այդ գործարքները կուլիսներում կնքեցիր, հողերը տվեցիր։ Նիկոլը հայկական գյուղերին տալիս է ադրբեջանական անվանում, իսկ Աղաջանյան կոչեցյալը, որը արտաքին հարաբերությունների հանձնաժողովի նախագահ, ասում է՝ Փաշինյանը տվել է թուրքական տեղանուններ, որպեսզի ընդգծի, որ թուրքերը չեն ներխուժել Հայաստանի սահման։
Հասկանում ե՞ք այս հայտարարության հետևանքը»,-ասաց Գևորգ Պետրոսյանը։
Պետրոսյան