Նիկոլը բացահայտեց, թե՛ Ալիևն ի՞նչ է պահանջում
Կառավարության նիստի ժամանակ իր ելույթում Նիկոլ Փաշինյանն Ադրբեջանի հետ տարաձայնությունների հետ կապված կարևոր փակագծեր բացեց:
Նիկոլ Փաշինյանի հայտարարությունից կարելի է եզրակացնել, որ ա) Ադրբեջանը ցանկանում է ինքը որոշել, թե որտեղից են անցնելու նոյեմբերի 9-ի եռակողմ հայտարարության 9-րդ կետի շրջագծում Ադրբեջանը Նախիջևանին կապող հաղորդակցական ուղիները, բ) այդ ուղիները պիտի օգտագործվեն առանց մաքսային ու սահմանային սահմանափակումների, ինչը տրամաբանորեն նշանակում է Հայաստանի տարածքով միջանցքի տրամադրում:
Նիկոլ Փաշինյանը միևնույն ժամանակ ընդգծեց, որ Հայաստանը պատրաստ չէ քննարկել միջանցքային տրամաբանություն պարունակող որևէ նախագիծ: Դա ի տես այն բանի, որ Ադրբեջանը պնդում է, նոյեմբերի 9-ի հայտարարության 9-րդ կետի հիմքում ընկած է հենց միջանցքային տրամաբանությունը:
Փակուղային այս վիճակը իր էությամբ հիշեցնում է մինչև սեպտեմբերի 27-ը գոյություն ունեցող Արցախյան հակամարտությունն ու դրա շուրջ ստեղծված փակուղային վիճակն իր ցավալի ելքով:
Կարելի է եզրակացնել, որ Նիկոլի թեթև ձեռամբ հայ-ադրբեջանական հակամարտությունն այս պահին Արցախից փոխադրվել է Հայաստանի սահմաններ, այն տարբերությամբ, որ այս հակամարտության կարգավորման համար ալիևն այլևս 26 տարի չի սպասելու:
Այս դեպքում նա իր ձեռքում ունի նոյեմբերի 9-ի եռակողմ հայտարարությունն ու դրա խիստ անորոշ ձևակերպմամբ 9-րդ կետը, ամեն օր բաքվի դատարաններում դատվող հայ ռազմագերիներին, Հայաստանի սահմաններին զբաղեցրած ռազմավարական դիրքերն ու չի բացառվում նաև կուլիսային տարբեր խոստումներ ու համաձայնություններ:
Ռոբերտ Մարգարյանի Ֆեյսբուքյան էջից