Պանթուրանական հրեշի հետ խաղաղ ապրելու իշխանության «հեքիաթները» թույլ չեն տալիս մեզ սթափ գնահատել իրավիճակը և բերում են չափազանց վտանգավոր հետևանքների
Դիտել նաև
Կայացել է հաղորդավար Արման Մարգարյանի նշանադրությունը
«Հայ զինծառայողները խոցվել են ադրբեջանական այն դիրքերից, որոնք Հայաստանի տարածքի ներսում են». Արման Թաթոյան
ԲԴԽ-ի երեկվա արարքը պարունակում է ՀՀ քրեական օրենսգրքի 441-րդ հոդվածով նախատեսված հանցակազմ․ Արման Թաթոյան
Այս օրը խորհրդանշում է պայքարը մեր ժողորդի անբաժան մասի` Արցախի բնիկ հայ ժողովրդի արժանապատվության, պաշտպանված իրավունքների ու անվտանգ կյանքի համար․ Թաթոյան
Ադրբեջանցիներն անգամ փոխել են Էջմիածնի անվանումը. Արման Թաթոյան
Իրականության գիտակցումը ցավոտ գործընթաց է: Պանթուրանական հրեշի հետ խաղաղ ապրելու իշխանության «հեքիաթները» թույլ չեն տալիս մեզ սթափ գնահատել իրավիճակը և բերում են չափազանց վտանգավոր հետևանքների:
Ահա թուրքերի պատասխանը ձեր բոլոր կոչերին և խաղաղ ապրելու պատրաստակամությանը:
…
«Երևանի ագրեսիվ քաղաքականությունը վտանգ է ներկայացնում տարածաշրջանում խաղաղության համար: Արդյունքների համար պատասխանատվությունը կրում են նաև այն ուժերը, որոնք դրդում են Երևանին նման գործողությունների դիմել: Այս ուժերը հաստատ չեն սատարելու Հայաստանին, երբ ճիշտ պատասխան տրվի: Հայաստանի վիճակը միայն կվատթարանա»,-Twitter-ում գրել է Թուրքիայում իշխող կուսակցության խոսնակ Օմեր Չելիքը:
Նա նաև հիշեցրեց տարածաշրջանի երկրների միջև երկխոսության ու համագործակցության մեխանիզմ ստեղծելու Էրդողանի նախաձեռնության մասին:
«Եթե Հայաստանը հրաժարվի ագրեսիվ գործելուց, ապա նա կկարողանա այս մեխանիզմի մի մասը կազմել: Երևանը չպետք է բաց թողնի այս պատմական հնարավորությունը և համապարփակ գնահատի Թուրքիայի և Ադրբեջանի ղեկավարների կոչերը: Հակառակ դեպքում այս երկիրը կկանգնի նոր խնդիրների առաջ: Հայաստանը չի կարող սպառնալ տարածաշրջանում խաղաղությանը: Դա թույլ տալ չի կարելի»:
...
Թուրքական այս տեքստի դիվանագիտական լեզվից սովորական լեզվի թարգմանությունը հնչում է այսպես. Հայաստանի քաղաքացիներ, կամ դուք կամավոր հանձնվում եք մեր ողորմածությանը և միգուցե մենք ձեզանից մի քանիսին խնայենք, երբ ձեր Հայաստանի ավերակների վրա մենք կստեղծենք Մեծ Թուրանի հիմնական լոգիստիկ զարկերակը կամ մենք պատերազմ ենք սկսում ձեր դեմ, և մենք՝ թուրքերը, թքած ունենք խաղաղության հետ կապված ձեր բոլոր հույսերի վրա: Թուրքիային խաղաղություն պետք չէ, Թուրքիային Հայաստանն է պետք, ամբողջովին, անմնացորդ:
…
Դե ինչ, ինչպե՞ս են իրենց զգում խաղաղասեր «հպարտ քաղաքացիները»: Դեռ չե՞ն սկսել թուրքերեն սովորել, չնայած դա իրենց չի օգնի փրկվել, թուրքին դա միևնույն է:
Արման Աբովյանի ֆեյսբուքյան էջից